Քաղաքակրթական ներուժը կեցության բարձրագույն արժեք է:

Օլեգ Բասիլաշվիլին թատրոնի ճակատին և ճեմասրահում

10.02.2019


Այս օրերին Սանկտ-Պետերբուրգի Տովստոնոգովի անվան թատրոնում ամեն ինչ կապում են ԽՍՀՄ ժողովրդական արտիստ Օլեգ Բասիլաշվիլու անվան հետ: Թատրոնի շենքի ճակատամասը զարդարված է «Դահիճներ» ներկայացման պրեմիերայի լուսանկարով, որտեղ Բասիլաշվիլին հանդես էր գալիս գլխավոր դերում: Սակայն իր 85-ամյա հոբելյանը նշող դերասանի մասին թեման այսքանով չի ավարտվում: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Թատրոնի ճեմասրահը նույնպես շնչում է Օլեգ Բասիլաշվիլու կերպարով: Այստեղ ցուցադրվել է դերասանի կյանքին վերաբերող նյութեր: Դրանք հիմնականում լուսանկարներ են ընտանեկան արխիվից, ֆիլմերից դուրս բերված կադրեր, ներկայացումներից տեսարաններ: Ցուցահանդեսի ուշագրավ նմուշներից առանձնանում են նաև այն հետաքրքիր և իմաստուն մտքերը, որոնք այս կամ այն առիթով ասել է Բասիլաշվիլին:

Ցուցանմուշների այս հավաքածոն թատրոնի ճեմասրահում ձևավորված է այնպես, որ իր ոճով հիշեցնում է արտիստի հանդերձարանի միջավայրը, որի առաստաղին ինքնագրեր են թողել նշանավոր շատ արվեստագետներ՝ նկարիչ Մարկ Շագալը, գրող Ալեքսանդր Սոլժենիցինը, դերասան Լոուրենս Օլիվյեն, դրամատուրգ Արթուր Միլլերը, ռեժիսոր Էլդար Ռյազանովը, դերասան Յուրի Նիկուլինը և էլի շատ հայտնիներ:

Օլեգ Բասիլաշվիլու մտքերից

- Իրոք, ինչու՞ էր այդպես ձգտում հանդիսատեսը լինել Մեծ դրամատիկականում պատրաստված ներկայացումներին: Դա այն պատճառով էր, որ Տովստոնոգովը դրանցում գտնում էր մարդկային փոխհարաբերությունների ճշմարտությունը: Ոչ մի քաղաքականություն, ոչ մի ակնարկ:

- Ի դեպ, ինչու Տովստոնոգովի գլխում միտք չի ծագել ըստ Գորկու «Հատակում» ներկայացման մեջ հանդիսասրահից հավաքել և գրողի ծոցն ուղարկել բոլոր բազկաթոռները և տախտակներից կառուցել ամֆիթատրոն՝ մինչև առաստաղ: Իսկ գործողությունը, այդ դեպքում, իրականում, տեղի կունենար ներքևում, իսկապես հատակին հայտնված բեմում: Սա կերպար է: Սրանում իմաստ կա: Հանդիսատես նայիր ցած, այնտեղ, ինչ-որ տեղ սողսղացող դերասաններին:

- Տովստոնոգովը ստեղծում էր իմպրովիզացիայի դաշտ և ոչ թե ձևականացնում էր խնդիրը մինչև մաթեմատիկական նրբություն: Գեորգի Ալեքսանդրովիչը (Տովստոնոգովը) «Քեռի Վանյայի» առաջին տեսարանում մեզ ստիպում էր զգալ ջերմաստիճանը, գլխի ցավը, ամոթը: Զգացմունքների ողջ համալիրը:

- Չեխովյան բարձ կատակերգություն: Տովստոնոգովը դա հասկանում էր: Ինչու՞ Ելենա Անդրեեվնան չի սիրում Վոյնիցկուն, այդ հիանալի մարդուն: Տովստոնոգովը ինձ ասում էր. «Ախր, նա քիչ առաջ է վերադարձել հանդից, այնտեղ խոտ են տեղափոխում, նա քրտնած է, անլվա, ծեր...»: Ինչու՞ քեռի Վանյան չդարձավ պրոֆեսոր: Ճիշտ նույն պատճառով, ինչի համար Անդրեյ Պրոզորովը չի գնում Մոսկվա: Ամեն ինչ նրա մեջ է, և ոչ թե շրջապատում... Ես դա հասկացա պրեմիերայից մի քանի տարի անց...

- Տովստոնոգովը, բացի ամեն ինչից, զբաղվում էր նաև այն բանով, ինչով պետք է զբաղվեր իսկական թատրոնը. մարդկային հոգու կյանքով: Երբ սկսվեց վերակառուցումը, դա ինչ-որ ժամանակով մեզ փրկեց: Ոչ ոք չգիտեր, ինչ բեմադրել, իսկ մենք զբաղվում էինք մեր նախկին գործով:

- Ժամանակակից կյանքի կենսական հարցերի պատասխանները մեծ վարպետների պարտքն է: Այնպիսիների, ինչպիսին եղել է Գեորգի Տովստոնոգովը: Այն, ինչը նրա ժամանակ առաջ էր շարժում ստեղծագործությունը, այսինքն խորհրդային համակարգն իր բազմաթիվ տաբուներով, այլևս չկա: Եվ արվեստագետները շփոթվեցին. Ինչն է հիմա միավորում մարդկանց, ինչն է թատրոնի խնդիրը, ինչ պետք է նրանք ասեն հանդիսատեսին, անհասկանալի է: Թատրոնում ընթանում է շատ դժվար գործընթաց...


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 818 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ
    Արխիվ ըստ ամիսների