Քաղաքակրթական ներուժը կեցության բարձրագույն արժեք է:

Բեմում հայտնվել են նոր մարդիկ, այդ թվում նաև անվտանգության աշխատակիցներ

11.29.2013

«Ուղղափառ ակտիվիստները» ընդհատել են Մոսկվայի Չեխովի անվան գեղարվեստական թատրոնի (МХТ) «Իդեալական ամուսինը» ներկայացումը՝ պահանջելով վերջ տալ «սրբապղծությանը»,- հաղորդում է «РИА Новости»-ն:

Ռուսաստանի ՆԳՆ Մոսկվայի Պետական վարչությունից հայտարարել են թատրոնի հասցեով խուլիգանական արարքներ կատարած երկու մարդկանց ձերբակալության մասին:

«Այսօր МХТ-ում, որտեղ ես նստած էի դահլիճի 2-րդ շարքում, «Իդեալական ամուսինը» ներկայացման ընթացքում բեմ դուրս եկավ Էնտեոն՝ մի ուղղափառ հավատի աղջկա հետ: Նրանք հանգիստ երևացին կուլիսներից՝ ներկայացման ռիթմին և ոճին համահունչ և սկսեցին բղավել. «Ի՞նչ եք դուք անում, մի՞թե դուք չեք հասկանում՝ սա սրբապղծություն է: Դադարեցրեք»: Եվ էլի սրա նման ինչ-որ բաներ: Աղջիկը միանգամայն ոչ ցուցադրական և շատ բնական սկսեց լաց լինել: Եթե դա լիներ դերասանական բեմել, ապա շատ ուժեղ և ներգործուն կլիներ»,- պատմել է այս ամենին ականատես հանդիսատեսներից մեկը:

Նա նաև նշել է,որ ինքն անմիջապես հասկացել է, որ սա ներկայացման ինչ-որ դրվագ չէ, այլ, իրոք, Էնտեոն է և նրան ուղեկցող աղջիկն էլ նրա հետևորդներից է: «Նրանք հայտնվեցին ներկայացման ամենավառ պահին և այնպիսի տպավորություն էր, որ կատարվողը բեմադրության մի մասն է: Դա ռեժիսորի կողմից մեծագույն գյուտ կհամարվեր»,-նշել է ականատեսը:

Իսկ հետո բեմում հայտնվել են նոր մարդիկ, այդ թվում նաև անվտանգության աշխատակիցներ և դուրս տարել նրանց: Ներկայացումը վերսկսվել է այս միջադեպից մոտ 10 րոպե հետո:

Ավելացնենք, որ Դմիտրի Էնտեոն Մոսկվայի Դանիիլ արարչի առաքելության կենտրոննի ակտիվիստ է: Նա իր «Twitter»-ի էջում այս քայլը կատարելուց առաջ գրել է այսպիսի տողեր. «Սոդոմ և արգահատանք կա սրբազանության վրա: Մենք դրան վերջ կտանք»:

Իսկ այս դեպքից հետո ներկայացման ռեժիսոր Կոնստանտին Բոգոմոլովը համացանցի իր «Facebook»-ի էջում գրել է «Ինձ, ահա, թվում է, որ այդ հիմարիկի համար չարժե գովազդ անել»:
Անգլիացի դրամատուրգ Օսկար Ուայլդի ստեղծագործությունների հիման վրա Բոգոմոլովի բեմականացրած «Իդեալական ամուսինը» ներկայացումը մտցված է Ռուսաստանի ամենահեղինակավոր թաթերական մրցանակաբաշխության՝ «Ոսկե դիմակ» անվանացանկում: Բոգոմոլովը հայտնի է իրականության նկատմամբ սատիրայի տարրերով գունազարդած իր խիստ արմատական և պրովակացիոն բեմականացումներով:

Մի քանի օր առաջ նա հայտարարել էր թատրոնից իր հեռանալու մասին: Նրա այդ քայլը կապում են այն բանի հետ, որ МХТ-ի ղեկավարությունը որոշ խմբագրումների անհրաժեշտություն է տեսել նրա նոր բեմադրության՝ «Կարամազովները» ներկայացման մեջ:
    Դիտվել է 635 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335>>հաջորդ