Քաղաքակրթական ներուժը կեցության բարձրագույն արժեք է:

«Սա ոչ թե «Ճայ» է, այլ՝ «Որսացու թռչուն» » սրամտել է մի քննադատ

02.24.2020

Մոսկվայի Չեխովի անվան գեղարվեստական թատրոնում (МХТ) բացվել է «Ճայը: Վերաբեռնում» խորագրով ցուցահանդես, որտեղ ներկայացված են տարբեր ժամանակներում այս թատրոնում իրականացված «Ճայը» պիեսի 4 բեմադրություններին վերաբերող լուսանկարներ, փաստաթղթեր, հագուստներ, մանրակերտեր, ազդագրեր: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

2020թ.-ին МХТ-ն նշում է Չեխովի ծննդյան 160-ամյակը պրեմիերայով: Այստեղ լիտվացի ռեժիսոր Օսկարաս Կորշունովասն ավարտին է հասցնում ռուս դասականի հայտնի պիեսի նոր բեմադրությունը: Չեխովյան «Ճայի» նոր ընթերցումը ներկայացնելուց առաջ անցկացվող «թեմատիկ» ցուցահանդեսՆ անդրադառնում է պիեսի բեմականացման պատմությանը, որը ընդգրկում է 1898թ.-ից մինչև 2020թ.-ն:

«Ճայի» հետաքրքիր ռեժիսորական ընթերցումներից մեկը առաջին բեմադրությունն է, որն իրականցրել են Կոնստանտին Ստանիսլավսկին և Նեմիրովիչ-Դանչենկոն ՝ 1898թ.-ին: Մինչև փորձերն սկսելը նրանք թատերախմբի հետ մանրամասն քննարկել են ստեղծագործությունը՝ շեշտը դնելով Չեխովի դրամատուրգիայի նորարարության վրա:

Չեխովյան այս ստեղծագործությունը հեշտ ճակատագիր չի ունեցել: Այն առաջին անգամ բեմադրվել է Սանկտ-Պետերբուրգի Ալեքսանդրինյան թատրոնում և ավարտվել ձախողմամբ: «Սա ոչ թե «Ճայ» է, այլ՝ «Որսացու թռչուն» » սրամտել է ժամանակի քննադատներից մեկը: Այդ երեկո Չոխովը հանդիսասրահից հեռացել է ետնաբեմ և եզրակացրել. «Հեղինակը ձախողվեց»:

Պիեսը Մոսկվայի գեղարվեստական թատրոնում բեմադրելու գաղափարը ծնվել է Նեմիրովիչ-Դանչենկոյի մոտ: Թատրոնը որոշել է գնալ ռիսկի և... չի սխալվել...

Ստանիսլավսկու և Նեմիրովիչ-Դանչենկոյի համատեղ ռիսկն ու աշխատանքը իսկական հաղթանակ է արձանագրել: Ավելին, այս բեմադրությունից հետո Ճայի պատկերը թատերախմբի որոշմամբ դարձել է МХТ-ի խորհրդանիշը:

Ի դեպ, «Ճայի» մոսկովյան այս բեմադրության դեկորացիաները ստեղծվել են հայ մեծ նկարիչ Վարդգես Սուրենյանցի նկարչական ձևավորմամբ: Այդ առթիվ պահպանվել է Չեխովի դիմումը հայ նկարչին, որին նա ասել է. «Հարգելի՛ Վարդգես Ակոպովիչ, համոզված եմ, որ հենց Դուք պետք է պատկերազարդեք «Ճայը» ներկայացումը: Ինձ համար շատ կարևոր է»:

1898թ.-ի պրեմիերայի հաջողությունը, որի մեջ կարևոր դերակատարություն ունեցավ նաև Սուրենյանցի ստեղծագործական ներդրումը, ստացավ նաև յուրահատուկ շարունակություն: Վարդգես Սուրենյանցին հանձնարարվեց ստեղծել նաև թատրոնի խորհրդանիշը: Հայ նկարիչը հաջողությամբ լուծեց նաև այդ խնդիրը: Նա ստեղծեց խորհրդանիշ ճայի պատկերը, որն այսօր էլ զարդարում է Մոսկվայի Չեխովի անվան գեղարվեստական թատրոնի գլխավոր բեմի վարագույրը, բացի այդ, ճայի պատկերով թողարկվում է կրծքանշան, որով պարգևատրվում են թատրոնի լավագույն աշխատակիցներն ու դերասանները:

«Ճայի» տարբեր ժամանակներում իրականացված բեմադրությունների մթնորտի մեջ ցուցահանդեսի այցելուներին ներքաշելու համար ստեղծվել է յուրահատուկ ձայնային շարք, որի մեջ օգտագործվել են արխիվային հազվադեպ նյութեր՝ լեգենդար ռեժիսորների հետ հարցազրույցների ձայնագրություններ:




    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 18 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360>>հաջորդ