Քաղաքակրթական ներուժը կեցության բարձրագույն արժեք է:

Դերասանը կարծում է, որ ամենագլխավորը խուճապի մեջ չընկնելն է

03.19.2020


Կորոնավիրուսի տարածման դեմ պայքարի շրջանակներում Ռուսաստանի թատրոններն առնվազն մինչև ապրիլի 10-ը փակ կլինեն: Սակայն դերասանները օգտագործելով համացանցի իրենց էջերը հորինում են հանդիսատեսի հետ հանդիպելու նոր ձևաչափեր: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Օրինակ, մոսկովյան թատրոնների շատ հայտնի դերասաններ սոցիալական ցանցերի իրենց բաժանորդների համար արդեն կազմակերպում են օն-լայն ֆլեշ-մոբեր, «Instagram»-ի սեփական տիրույթում հեքիաթների ընթերցանություններ և այլն:
Համացանցային եթերում իր առաջին ելույթում՝ Անտուան դ՝ Սենտ Էքզյուպերիի «Փոքրիկ իշխանը» հանրահայտ պատմվածքը ներկայացնելուց առաջ, թատրոնի, կինոյի դերասան Անատոլի Բելին նշել է, որ այս նոր ձևաչափով նախագիծը նվիրում է «... Չնախատեսված այն հանգամանքին, որը կոչվում է «կարանտին»՝ ընդդեմ կորոնովիրուսի»: Դերասանը կարծում է, որ ամենագլխավորը խուճապի մեջ չընկնելը, ստիպողական արձակուրդը պատասխանատվությամբ անցկացնելն ու զգուշության բոլոր միջոցները պահպանելն է...

Իսկ «Գոգոլ կենտրոն» թատրոնի դերասանուհի Ալեքսանդրա Ռևենկոն, որը վերջերս էր Գերմանիայից վերադարձել և հայրենիքում անցել էր խիստ կարանտինով, արդեն օն-լայն ռեժիմով կմասնակցի «Գոգոլը լվանում է ձեռքերը» ակցիային, որի ընթացքում թատրոնի գեղարվեստական ղեկավար Կիրիլ Սերեբրեննիկովի և թատերախմբի մյուս անդամների հետ կպատմի, թե ինչպես է ինքն այժմ անցկացնում իր ինքնամեկուսացման օրերը:

Իսկ օն-լայն ընթերցանություններին միացած Թատերական արվեստի ստուդիայի դերասան Գրիգորի Սլուժիտելը մինչև 19-րդ դարի գերմանացի գրող Վիլհելմ Հաուֆի «Խալիֆ Արագիլը» հեքիաթի ընթերցումը խոստովանել է, որ սա սոցիալական ցանցում իր առաջին ուղիղ եթերն է: Իր համար անծանոթ այս ձևաչափով հանդես գալը նա հիմնավորել է կյանքի որոշակի նոր թելադրանքով»: Նա հիշատակել է նաև այս նախաձեռնությունը կյանքի կոչելուն իրեն օժանդակած ընկերոջը՝ երաժիշտ Վասիլի Զորկուն, որը նաև որպես դերասան ընդգրկվել է «Գոգոլ կենտրոն» թատրոնի ներկայացումներից մեկում:

Հրապարակվող հաղորդագրությունների համաձայն համացանցի ռուսական տիրույթում օն-լայն ձևաչափով հանդես եկող դերասանների թիվն անընդհատ աճում է:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 10 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360>>հաջորդ