Քաղաքակրթական ներուժը կեցության բարձրագույն արժեք է:

Երաժիշտը, որը տուն է վարձել գերեզմանատան հարևանությամբ

10.11.2021

Ռուսաստանի պետական գրադարանը և էլի մի շարք կազմակերպություններ հանդես են եկել թատերական նախաձեռնությամբ, որի նպատակն է բեմամախաղ ներկայացնել փոքր դահլիճում այն հաշվարկով, որ ավելի մոտեցվի դերասանի և հանդիսատեսի միջև շփումն ու հաղորդակցությունը։ Այդ մասին տեղեկացնում է «․taglur.am»֊ը՝ հղում անելով «teatral-online.ru»֊ին։

Այդ նախագծի շրջանակներում գրադարանում առաջինը կներկայացվի Կալինինգրադ քաղաքի մարզային երաժշտական թատրոնի «ԱնտիՎագներ» մենաներկայացումը՝ ըստ ռուսաստանցի դրամատուրգ Օլգա Բալիչևայի պիեսի։

Այս ստեղծագործությունը «Մոնոդրամա֊2019» միջազգային փառատոնի մրցանակակիրներից է, որի կազմակերպիչների թվում է նաև մոսկովյան այս գրադարանը։
Բեռլինում բանակի զորակոչից թաքնվող Դոնեցկի ինքնահռչակ հանրապետությունից արտագաղթած երաժիշտը փողոցային մի սրճարանում հարցազրույց է տալիս ինչ֊որ անհայտ մարդկանց։ Ովքեր են այդ մարդիկ և ով է ինքը։Երաժիշտը հացի փող է վաստակում՝ ակորդեոնով հանդես գալով փողոցում։ Նա մի տարօրինակ տուն է վարձել գերեզմանատան հարևանությամբ և դատողություններ է անում երաժշտության մասին՝ հաղորդակցվելով հանգուցյալի հետ։ Բացի այդ, այդ երաժիշտը տեսնում է մարգարեական երազներ։

Նրա երաժշտությունը ազդում է մարդկանց վրա՝ ստիպելով կատարել տարօրինակ արարքներ։ Բարի՞ է, թե՞ չար այդ ամենը աշխարհի համար։ Եվ ինչու՞ են փողոցային երաժիշտով հետաքրքրվում հատուկ ծառայությունները․․․

Ներկայացման ռեժիսոր Ելենա Կնյազևան այս ստեղծագործության ժանրն անվանել է «case study», որտեղ արտացոլված է կոնկրետ հիմնախնդրային իրավիճակ, գլուխկոտրուկ, որն օգնում է ուսումնասիրել երաժշտություն հորինելու ստեղծագործական գործընթացը։

Ասենք, որ մենաներկայացման համար գրվել է հատուկ երաժշտություն (կոմպոզիտոր՝ Անդրեյ Կորոբկով), որը դարձել է բեմադրության լիարժեք կերպար։ Երաժշտի դերում հանդես է գալիս դերասան Իլյա Ռիխտերը։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 37 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415>>հաջորդ