Քաղաքակրթական ներուժը կեցության բարձրագույն արժեք է:

Ցուցահանդես նվիրված «Ոսկե դիմակ»-ին

04.16.2014


Ռուսական ժամանակակից թատրոնի ձևավորման և զարգացման պատմությունն է արտացոլված «Ելք դեպի թատրոն» խարագիրը կրող ցուցահանդեսում, որը բացվել է Մոսկվայի հանրահայտ «ГУМ» հանրախանութում և նվիրված է ապրիլի 18-ին կայանալիք «Ոսկե դիմակ» փառատոնին: 2014թ.-ին այս փառատոնը նշում է իր 20 ամյակը:

Ցուցադրանքում ռուսական թատրոնների ու դերասանների տարբեր ժամանակաների լուսանկարներն են: Ինչպես բնութագրել է այս ցուցահանդեսը ՌԴ ժողովրդական դերասան Եվգենի Միրոնովը «ГУМ»-ի ցուցահանդեսը երկու ռուսական հիանալի փառատոների միասնություն է, որն անշուշտ կդառնա գեղեցիկ սիրավեպի սկիզբ: Նա նկատի է ունեցել այն հանգամանքը, որ ներկա ցուցահանդեսը կազմակերպվել է «Ոսկե դիմակ»-ի և «Կեռասի այգի» բաց փառատոնի ուժերի համատեղմամբ:

Ըստ կազմակերպիչների մտահղացման, հանրախանութի առաջին գծում, երկու կողմերից կեռասի ծաղկած ծառերի միջև ձգվող տարածքի երկայնքով կառուցվել է բեմ, որի վրա տեղադրվել են ռուսական ամենահայտնի թատրոնների վարագույրների և հանդիսատեսներին լավ ծանոթ ներկայացումների դեկորացիաների գունավոր մեծադիր լուսանկարները:

Դրանց մեջ ազատ հերթկանությամբ տեղադրված են «Ոսկե դիմակ»-ի և Օլեգ Յանկովսկու անվան «Կեռասի այգի» բաց փառատոնի դափնեկիրների ամբողջ հասակով մեկ արված սև-սպիտակ լուսանկարները:Ուրախ և լուրջ, մտախոհ և հեգնական դեմքեր ընդունած դերասանները հիմնականում նկարվել են հատուկ այս ցուցահանդեսի համար: Այս նկարների մեջ կարելի է հանդիպել նաև աշխարհահռչակ դիրիժոր Վալերի Գերգիևի, պարուսույց Աննա Սիգալովայի, Նկարիչ Պավել Կապլևիչի և այլոց լուսանկարին:

«Բեմի վրա է հավաքված մեր մշակույթի՝ թատրոնի և կինոյի ողջ սերուցքը: Եվ որքան լավ է, որ «Ոսկե դիմակ» և «Կեռասի այգի» փառատոները շարունակում են առաջ տանել մեր մշակույթը» ,- «ԻՏԱՐ-ՏԱՍՍ»-ին ասել է ՌԴ-ի առաջին նախագահի այրին՝ Նաինա Ելցինան:

Ռուսական ազգային թատերական «Ոսկե դիմակ» մրցանակը հիմնադրվել է 1994թ.-ին՝ Ռուսաստանի թատերական գործիչների միության կողմից, որպես մասնագիտական պարգև տարվա ընթացքում եղած բոլոր տեսակի թատերական արվեստի դրսևորումների համար (օպերա, դրամա, բալետ, ժամանակակից պար, օպերետ և մյուզիքլ, տիկնիկային թատրոն):

Մրցանակակիրները որոշվում են պոտենցիալ մրցանակակիր թատրոնների ներկայացումների փառատոնի ժամանակ, որն այս տարի անցկացվում է Մոսկվայում: Այն մեկնարկել է հունվարի 25-ին ՌԴ Մշակույթի նախարարության և Մոսկվայի քաղաքային իշխանությունների օժանդակությամբ: Մրցանակների հանձնումը հաղթողներին կկատարվի հանդիսավոր արարողությամբ՝ ապրիլի 18-ին, Մեծ թատրոնում:

Փառատոնին նվիրված ցուցահանդեսը կընթանա մինչև մայիսի 31-ը:
    Դիտվել է 604 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ