Քաղաքակրթական ներուժը կեցության բարձրագույն արժեք է:

Շեքսպիր՝ տիկնիկների միջոցով

04.25.2014


Ապրիլի 25-ին ՄոսկվայիՍերգեյ Օբրազցովի անվան կենտրոնական ակադեմիական տիկնիկային թատրոնում բացվեց Վիլյամ Շեքսպիրի 450 ամյակին նվիրված ցուցահանդես: Այդ մասին հաղորդում է «РИА Новости»-ն:

Ցուցադրանքում տեղ են գտել այդ թատրոնում շեքսպիրյան առաջին՝ «Սխալների կատակերգություն» ներկայացման տիկնիկները, էսքիզները, հագուստները, ռեկվիզիտը, որոնց հեղինակը էստոնացի ռեժիսոր Ռեյնա Ագուրան է, ով իր ողջ ստեղծագործական կյանքը հիմնականում կապել է շեքսպիրյան ստեղծագործությունների հետ:

«Մեր թատրոնը չէր կարող շրջանցել մի այնպիսի իրադարձություն, ինչպիսին Մեծն Շեքսպիրի հոբելյանն է»,- ասել է թատերական թանգարանի պատասխանատուներից մեկը: Ագուրան կրկնելով Շեքսպիրի այն միտքը, որ աշխարհը բեմ է, մարդիկ դերասան, բացատրում է, որ այդ ամենը նա ձգտել է պատկերել տիկնիկների միջոցով, ըստ նրանց դիտանկյունի: «Տիկնիկն իր անմեղ, թափանցիկ մաքրությամբ դառնում է մարդկային տառապանքները և ուրախությունները կրող՝ առանց մեզ պարտադրելու սեփական դեմքն ունեցող ինչ-որ մեկին»,- նշել է Ռեյնա Ագուրան:

Թանգարանի այցելուները կարող են ծանոթանալ նաև ռուսական տիկնիկային թատերական մշակույթի մեջ առաջին անգամ թափանցած շեքսպիրյան ստեղծագործություններին: Այդ պատմությունը սկիզբ է առնում 1927 թ.-ին: Այդ ժամանակ տիկնիկային թատրոնի ռուս հայտնի արտիստներ Նինա և Իվան Եֆիմովները սկսեցին աշխատել «Մակբեթ» ողբերգության առանձին տեսարանների վրա:

Մոսկվայի Օբրազցովի թատրոնն իր տեսակի մեջը աշխարհում ամենամեծն է: Այն հիմնադրվել է 1931թ.-ին: Հիմնադիրը ոլորտում հայտնի մասնագետ Սերգեյ Օբրազցովն է, ում անունն այսօր կրում է այդ մշակութային օջախը:

Այս թատրոնի հայտնի «Անսովոր համերգ » երգիծական ներկայացումը՝, որի համերգավարը խոսում էր 80 լեզվով, համարվում է ժանրի գլուխգործոց: Բեմադրությունը ներկայացումների քանակով գրանցում է ստացել Գինեսի ռեկորդների գրքում: Թատրոնի խաղացանկում այսօր կա 30 ներկայացում: Այն ունի երկու շենք, որոնցում երկու բեմերից բացի տեղավորված են մասնագիտական հարուստ գրադարանը և տիկնիկների թանգարանը:
    Դիտվել է 556 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335>>հաջորդ