Քաղաքակրթական ներուժը կեցության բարձրագույն արժեք է:

Հեղինակային իրավունքի խախտման դեպքն ավարտվել է հաշտության համաձայնությամբ

06.15.2014


Տոմսկի մարզի Արբիտրաժային դատարանը հաստատել է «Վերսիա» թատրոնի և Ռուսաստանի հեղինակային իրավունքների պաշտպանության ընկերության Սիբիրի բաժանմունքի միջև հաշտության համաձայնությունը: Այդ մասին «news.mail.ru»-ի հաղորդումը փոխանցում է «taglur.am»-ը:

«Թագլուր»-ի ընթերցողներին հիշեցնենք, որ խոսքն արդեն մի քանի ամիս ձգվող ռուս երկիծաբան, գրող Միխայիլ Զոշչենկոյի ժառանգների կողմից ընդդեմ Տոմսկ քաղաքի «Վերսիա» թատրոնի առաջադրված դատական հայցի մասին է: Գրողի հարազատները դատարանին ներկայացրած այդ դիմումով պնդում էին, որ թատրոնը «Հարսանիք» ներկայացումը բեմադրել է անօրինականորեն և խախտել է հեղինակային իրավունքի պաշտպանության մասին օրենքը:

Հաշտության համաձայնության պայմաններով «Վերսիա» թատրոնը տուժող կողմի ներկայացուցիչին՝ Ռուսաստանի հեղինակային իրավունքների պաշտպանության ընկերության Սիբիրի բաժանմունքին, պետք է վճարի 15 հազար ռուբլի, այդ թվում 10 հազար ռուբլի՝ որպես ստեղծագործության նկատմամբ ունեցած բացարձակ հեղինակային իրավունքները խախտելու դիմաց փոխհատուցման վճար:

Ասենք, որ անկախ փորձագիտական քննությունը հաստատել է, որ «Հարսանիք» ներկայացման 98 տոկոսն, իրոք, Զոշչենկոյի ստեղծագործության կրկնությունն է՝ բեմադրող-ռեժիսորի ոչ մեծ մշակումների նշաններով:

Իր հերթին թատրոնի գեղարվեստական ղեկավար Վերա Տյուտրինան ասել է, որ «ներկայացումը ոչ մաքուր տեսքով է Զոշչենկո»: Նրա ասելով «ներկայացման մեկ երրորդն, իրոք, կազմված է Զոշչենկոյի տեքստից», սակայն այնտեղ օգտագործվել են նաև այլ հեղինակների ՝ մասնավորապես Անտոն Չեխովի և Նիկոլայ Էրդմանի գործերը:
    Դիտվել է 484 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312>>հաջորդ