Քաղաքակրթական ներուժը կեցության բարձրագույն արժեք է:

Հերոսները փախչում են միայնակությունից

10.08.2019

Արտասահմանում գործող ռուսալեզու թատրոններից մեկը՝ «Դիալոգը», որը գործում է Նյու-Յորքի հայտնի թատերական տարածքում՝ Բրոդվեյում , շուտով ամերիկյան հանդիսատեսին, այդ թվում նաև ռուսական սփյուռքի իր հայրենակիցներին կներկայացնի ազգային գրականության մեծերից Իվանին Բունինի պատմվածքների հիման վրա պատրաստված նոր բեմադրություն: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

«Մեր թատրոնը Բունինի ստեղծագործություններով զբաղվում է 2004թ.-ից», ասել է թատրոնի հիմնադիր և գեղարվեստական ղեկավար Իրինա Վոլկովիչը:

Այդ ընթացքում օտար երկրում գործող այս ռուսական թատրոնը ըստ Բունինի պատրաստել է երկու բեմադրություն՝ «Խավար արահետները» և «Սիրո քերականությունը»:

Նոր բեմադրությունը, որ պատրաստման ընթացքի մեջ է, հանդիսատեսի դատին կներկայացվի 2020թ.-ին և կնվիրվի Բունինի ծննդյան 150-ամյակին:

Վոլկովիչը նշել է, որ իրենք այս բեմադրությամբ ներկայացնում են դասականի ընթերցանության ժամանակակից չափանիշներ, որոնք բացահայտվում են մարդկային զգացմունքների ծայրահեղ մերկությամբ: Հանդիսատեսը կհաղորդակցվի սիրո բարձր զգացմունքին, կարեկցանքին և մարդկայնությանը: Ներկայացման հերոսները փախչում են միայնակությունից՝ ցանկանալով երջանկություն, նույնիսկ տառապանք, սիրահարվածություն, հիասթափություն և կրկին ինչ-որ բանի հույս...

Ներկայացման հիմքում Բունինի «Փարիզում» և Ֆրանսիայի մայրաքաղաքում ռուսական վտարանդիների պատմությունն ուսումնասիրած Ելենա Դուբրովինայի «Թատերական փորձ անձրևի հետ» պատմվածքներն են: Վոլկովիչի կարծիքով այս երկու գործերը օրգանապես ձուլվել են և թեթև ու սահուն հյուսում են հանդիպումների, բաժանումների և չկայացած սիրո պատմություն:

Ներկայացումը կկսվի Բունինին նոբելյան մրցանակ շնորհելու վավերագրական կադրերի ցուցադրմամբ...

«Դիալոգ» ռուսական թատրոնը միանգամից չի հայտնվել նշանավոր Բրոդվեյի տիրույթում: Այն ի հայտ է եկել անսպասելի:

2003թ.-ին Նյու-Յորքի հանրային գրադարանում կազմակերպվել էր Սանկտ-Պետերբուրգի 300-ամյակին նվիրված տոնական երեկո: Այդ երեկոյի նախաձեռնողներից մեկը Ելենա ՎոլկովիչՆ էր: Նա այդ օրվա միջոցառման ծրագրին մասնակցելու հրավեր էր ուղարկել ԱՄՆ-ում բնակություն հաստատած մի շարք մտավորականների, այդ թվում նաև դերասանուհի Ելենա Սոլովեյին, Ելենա Դովլաթովին (հայտնի գրող Սերգեյ Դովլաթովի այրուն), Միխայիլ Շեմյակինին, հայտնի խորեոգրաֆ Բորիս Էյֆմանին և ուրիշների...

Ռուսաստանի հյուսիսային մայրաքաղաքին նվիրված այդ երեկոն երկու անգամ հեռարձակվեց, սակայն մասնակիցները այդպես էլ չցանկացած հրաժեշտ տալ միմյանց: Եվ ամերիկյան գրադարանին կից ձևավորվեց և սկսեց գործել թատերախումբ, որը ստացավ «Դիալոգ» («Երկխոսություն») անունը:

Այստեղ ներկայացվում էին Իրինա Վոլկովիչի՝ ռուս ստեղծագործողներին նվիրված գրական-վավերագրական բեմականացված տեքստերը:

Կարճ ժամանակ անց «Դիալոգը» զարգացավ, հմտացավ, ձեռք բերեց պրոֆեսիոնալ մակարդակ և տեղափոխվեց Բրոդվեյ՝ որտեղ ավելի մեծ են հնարավորությունները հայրենի գրականությունը և նրա երախտավորներին ավելի ծավալուն ներկայացնելու և մասսայականացնելու հնարավորությունները:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 9 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343>>հաջորդ