Միջազգային կինոփառատոնի աստեղային հյուրերը «մնացել են քնով» 06.20.2014
Մոսկվայի 36-րդ միջազգային կինոփառատոնը բացվեց «Ռոսսիա» կինոթատրոնում: Այստեղ էլ 10 օր անց տեղի կունենա այս միջոցառման փակումը: Սակայն, առաջիկա տարիներին այս կինոփառատոնը հնարավոր է, որ փոխի իր անցկացման ավանդական վայրը: Այդ մասին հաղորդում է «taglur.am»-ը՝ հղում անելով ռուսական «Իզվեստիա» պարբերականին:
Բանն այն է, որ, ինչպես հայտարարել է այդ կինոփառատոնի նախագահ Նիկիտա Միխալկովը Փառատոների խոստացված դահլիճի շինարարությունը Մոսկվայի ֆրանսիական առափնյայում ամենայն հավանականությամբ մինչև 2014թ.-ի վերջը կամ 2015թ.-ի սկզբներին կսկսվի:
Այդ նոր կառույցի հեղինակները գերմանացի մասնագետներն են: Այն իր հարմարավտությամբ, ռուսական աստղերի մեծաքանակ ներկայությունը ապահովելու և նրանց անվերջանալի թվացող երթին հանդիսավորություն տվող երկար կարմիր գորգ փռելու հնարավորություններով շատ ավելի նախընտրելի է լինելու «Ռոսսիա» կինոթատրոնից ու նրան հարող պուշկինյան փոքրիկ պուրակից:
Իսկ ինչ վերաբերում է այս տարի Մոսկվայի միջազգային կինոփառատոնի արտասահմանցի աստեղային հյուրերին, ապա գործերը շատ ավելի վատ ընթացք ունեն, քան սովորաբար: Նույնիսկ հյուրերի թվում չի երևացել Ռուսաստանի քաղաքացիություն ընդունած Ժերար Դեպարդիեն, ով պատճառաբանելով իր զբաղվածությունը, չի եկել փառատոնի հանդիսավոր բացմանը:
Արտասահմանցիներից այս փառատոնի առավել «աստեղայինը», թերևս «Գահերի խաղ»-ի հսկայի դերակատար, բրիտանացի Քրիստիան Ներն էր: Սերիալի մնացած անդամները, որ խոստացել էին գալ, «մնացել են քնով» և ուշացել իրենց Մոսկվա հասցնող չվերթից:
Ռուսական լրատվամիջոցը մոսկովյան միջոցառմանը ժամանած աստղերի քիչ քանակությունը բացատրում է սկսած 2008թ.-ից պաբերաբար նույն օրերին զուգահեռ մեկնարկող Էդինբուրքի կինոփառատոնով, որն իր կողմն է ձգում սպիտակ պաստառի մոգերի զգալի հատվածին:
Սակայն փառատոնի նախագահ Նիկիտա Միխալկովը այդ դժվար իրավիճակը մեկնաբանում է «...քաղաքական պատժամիջոցների» կիրառման հանգամանքով: «Ինչ-որ մեկը զգուշանում է, ինչ-որ մեկը՝ վախենում: Եվ տարօրինակ կլիներ, եթե դա անդրադառնար ամբողջ Ռուսաստանի վրա, իսկ փառատոնի վրա՝ ոչ»,- նշել է Ն. Միխալկովը:
Մոսկվայի 36-րդ միջազգային կինոփառատոնը բացվեց «Ռոսսիա» կինոթատրոնում: Այստեղ էլ 10 օր անց տեղի կունենա այս միջոցառման փակումը: Սակայն, առաջիկա տարիներին այս կինոփառատոնը հնարավոր է, որ փոխի իր անցկացման ավանդական վայրը: Այդ մասին հաղորդում է «taglur.am»-ը՝ հղում անելով ռուսական «Իզվեստիա» պարբերականին:
Բանն այն է, որ, ինչպես հայտարարել է այդ կինոփառատոնի նախագահ Նիկիտա Միխալկովը Փառատոների խոստացված դահլիճի շինարարությունը Մոսկվայի ֆրանսիական առափնյայում ամենայն հավանականությամբ մինչև 2014թ.-ի վերջը կամ 2015թ.-ի սկզբներին կսկսվի:
Այդ նոր կառույցի հեղինակները գերմանացի մասնագետներն են: Այն իր հարմարավտությամբ, ռուսական աստղերի մեծաքանակ ներկայությունը ապահովելու և նրանց անվերջանալի թվացող երթին հանդիսավորություն տվող երկար կարմիր գորգ փռելու հնարավորություններով շատ ավելի նախընտրելի է լինելու «Ռոսսիա» կինոթատրոնից ու նրան հարող պուշկինյան փոքրիկ պուրակից:
Իսկ ինչ վերաբերում է այս տարի Մոսկվայի միջազգային կինոփառատոնի արտասահմանցի աստեղային հյուրերին, ապա գործերը շատ ավելի վատ ընթացք ունեն, քան սովորաբար: Նույնիսկ հյուրերի թվում չի երևացել Ռուսաստանի քաղաքացիություն ընդունած Ժերար Դեպարդիեն, ով պատճառաբանելով իր զբաղվածությունը, չի եկել փառատոնի հանդիսավոր բացմանը:
Արտասահմանցիներից այս փառատոնի առավել «աստեղայինը», թերևս «Գահերի խաղ»-ի հսկայի դերակատար, բրիտանացի Քրիստիան Ներն էր: Սերիալի մնացած անդամները, որ խոստացել էին գալ, «մնացել են քնով» և ուշացել իրենց Մոսկվա հասցնող չվերթից:
Ռուսական լրատվամիջոցը մոսկովյան միջոցառմանը ժամանած աստղերի քիչ քանակությունը բացատրում է սկսած 2008թ.-ից պաբերաբար նույն օրերին զուգահեռ մեկնարկող Էդինբուրքի կինոփառատոնով, որն իր կողմն է ձգում սպիտակ պաստառի մոգերի զգալի հատվածին:
Սակայն փառատոնի նախագահ Նիկիտա Միխալկովը այդ դժվար իրավիճակը մեկնաբանում է «...քաղաքական պատժամիջոցների» կիրառման հանգամանքով: «Ինչ-որ մեկը զգուշանում է, ինչ-որ մեկը՝ վախենում: Եվ տարօրինակ կլիներ, եթե դա անդրադառնար ամբողջ Ռուսաստանի վրա, իսկ փառատոնի վրա՝ ոչ»,- նշել է Ն. Միխալկովը: