Ապոկալիպսիսի մասին՝ այսօրվա պետերբուրգցիների մատուցմամբ01.26.2021
Չորեքշաբթի, հունվարի 27֊ին Ռուսաստանցի նշանավոր կինոռեժիսոր Ալեքսանդր Սոկուրովը ներկայացնելու է 2009֊ին արտադրված «Կարդում ենք «Բլոկադային գիրք» » վավերագրական ֆիլմը։ Այդ մասին տեղեկացնում է «taglur.am»՝ հղում անելով «teatral-online.ru»֊ին։
Այս ֆիլմի համար հիմք է ծառայել Դանիլ Գրանինի և Ալեսիա Ադամավոչի նույնանուն գիրքը, որից դրվագներ են կարդում հայտնի դերասաններ, ժուռնալիստներ․ ցածր դասարանների աշակերտներ, ուսանողներ, զինվորականներ և բլոկադան վերապրածներ։
Սոկուրովը «Բլոկադային գիրքը» կարդում է այսօրվա պետերբուրգցիների օգնությամբ։ Ռեժիսորի մատուցմամբ այն ասես վերածվում է Ապոկալիպսիսի մասին գրքի, որը կարող է կրկնվել։ Այդ մասին նշում են ֆիլմի ներկայացման կազմակերպիչները՝ ընդգծելով սոկուրովյան կինոձեռագիրը, որն աչքի է ընկնում նաև ոչ պարտադրող, նուրբ հատուկ էֆեկտներով, հեռուստատեսային նկարահանումների համար անսովոր հնարքներով, որոշակի ասոցիացիաներ առաջացնող տեսողական մեջբերումներ և այլն։
Տարբեր մարդկանց սովորական ընթերցումները ռեժիսորը վերածել է «Մեծ քաղաքի» հերոսական պատմության վավերագրի, որի գլխավոր ասելիքն այն է, որ քանի դեռ հիշում են զոհվածներին, ուրեմն, քաղաքն ապրում է։
Չորեքշաբթի, հունվարի 27֊ին Ռուսաստանցի նշանավոր կինոռեժիսոր Ալեքսանդր Սոկուրովը ներկայացնելու է 2009֊ին արտադրված «Կարդում ենք «Բլոկադային գիրք» » վավերագրական ֆիլմը։ Այդ մասին տեղեկացնում է «taglur.am»՝ հղում անելով «teatral-online.ru»֊ին։
Այս ֆիլմի համար հիմք է ծառայել Դանիլ Գրանինի և Ալեսիա Ադամավոչի նույնանուն գիրքը, որից դրվագներ են կարդում հայտնի դերասաններ, ժուռնալիստներ․ ցածր դասարանների աշակերտներ, ուսանողներ, զինվորականներ և բլոկադան վերապրածներ։
Սոկուրովը «Բլոկադային գիրքը» կարդում է այսօրվա պետերբուրգցիների օգնությամբ։ Ռեժիսորի մատուցմամբ այն ասես վերածվում է Ապոկալիպսիսի մասին գրքի, որը կարող է կրկնվել։ Այդ մասին նշում են ֆիլմի ներկայացման կազմակերպիչները՝ ընդգծելով սոկուրովյան կինոձեռագիրը, որն աչքի է ընկնում նաև ոչ պարտադրող, նուրբ հատուկ էֆեկտներով, հեռուստատեսային նկարահանումների համար անսովոր հնարքներով, որոշակի ասոցիացիաներ առաջացնող տեսողական մեջբերումներ և այլն։
Տարբեր մարդկանց սովորական ընթերցումները ռեժիսորը վերածել է «Մեծ քաղաքի» հերոսական պատմության վավերագրի, որի գլխավոր ասելիքն այն է, որ քանի դեռ հիշում են զոհվածներին, ուրեմն, քաղաքն ապրում է։