Կիբերտարածությունում տեղավորվելու հնարավորություն բոլոր լեզուներին չի տրված06.30.2014
Աշխարհում ավելի քան 3 հազար լեզվի սպառնում է թվային անհետացում: Այդ մասին հայտարարել են UNESCO-ի հովանավորությամբ, «Լեզվական և մշակութային բազմազանությունը կիբերտարածությունում» խորագրով 3-րդ միջազգային կոնֆերանսի մասնակիցները:
«Աշխարհի 7 հազար լեզուներից կեսից ավելին ի վիճակի չեն ընդլայնել իրենց ներկայությունը կիբերտարածությունում, այդ իսկ պատճառով այդ լեզուները հայտնվել են թվային անհետացման վտանգի տակ: Դրա հետ կապված միջազգային հանրությունը պետք է գործադրի իր ողջ ուժերը, որպեսզի այդ լեզուները պահպանվեն»,- կարծում են կոնֆերանսի մասնակիցները:
UNESCO-ի գլխավոր տնօրենի տեղակալ Էնգիդա Գեթաչյուի ասելով. «Լեզվի պահպանության գլխավոր պատասխանատվությունը ընկած է ընտանիքի վրա, իսկ UNESCO-ն պետք է նպաստի մշակութային բազմազանության զարգացմանը»:
Նա նաև ասել է, որ UNESCO-ն պետք է նպաստի այն բանին, որ յուրաքանչյուր երեխա կրթություն ստանա մայրենի լեզվով: «Լեզուն որոշում է այն, թե ինչ ենք մենք մեզնից ներկայացնում, ովքեր ենք մենք, դա մտածողության միջոց է: Ուսուցումը մայրենի լեզվով դպրոցում և համալսարանում շատ կարևոր է»,-ընդգծել է UNESCO-ի գլխավոր տնօրենի տեղակալը:
Կոնֆերանսում Փարիզի գիտական ուսումնասիրությունների ազգային կենտրոնի տնօրեն Ժոզեֆ Մարիանին հայտարարել է, որ «Եվրամիության երկրներում շատ քիչ միջոցներ են հատկացվում ազգային լեզուների պահպանման համար»: Նա ասել է, որ 2014-2015թթ.-երի համար Եվրամիության երկրներում լեզուները կիբերտարածություն տեղափոխելու համար հատկացվում է ընդամենը 4,5 մլն եվրո: «Ցանկալի է, որ Եվրամիության երկրները ավելի մեծ ուշադրություն դարձնեին լեզուների թվային պահպանության խնդիրներին: Պետք է հիմնել ընդհանուր բյուջե և ընդլայնել կապերը UNESCO-ի հետ»,- նշել է Ժոզեֆ Մարիանին:
Ավելացնենք, որ Յակուտսկում հունիսի 30-ին մեկնարկած միջազգային ֆորումին մասնակցում են 50 երկրների 130 մասնագետ: Այն կավարտի իր աշխատանքները հուլիսի 3-ին:
Աշխարհում ավելի քան 3 հազար լեզվի սպառնում է թվային անհետացում: Այդ մասին հայտարարել են UNESCO-ի հովանավորությամբ, «Լեզվական և մշակութային բազմազանությունը կիբերտարածությունում» խորագրով 3-րդ միջազգային կոնֆերանսի մասնակիցները:
«Աշխարհի 7 հազար լեզուներից կեսից ավելին ի վիճակի չեն ընդլայնել իրենց ներկայությունը կիբերտարածությունում, այդ իսկ պատճառով այդ լեզուները հայտնվել են թվային անհետացման վտանգի տակ: Դրա հետ կապված միջազգային հանրությունը պետք է գործադրի իր ողջ ուժերը, որպեսզի այդ լեզուները պահպանվեն»,- կարծում են կոնֆերանսի մասնակիցները:
UNESCO-ի գլխավոր տնօրենի տեղակալ Էնգիդա Գեթաչյուի ասելով. «Լեզվի պահպանության գլխավոր պատասխանատվությունը ընկած է ընտանիքի վրա, իսկ UNESCO-ն պետք է նպաստի մշակութային բազմազանության զարգացմանը»:
Նա նաև ասել է, որ UNESCO-ն պետք է նպաստի այն բանին, որ յուրաքանչյուր երեխա կրթություն ստանա մայրենի լեզվով: «Լեզուն որոշում է այն, թե ինչ ենք մենք մեզնից ներկայացնում, ովքեր ենք մենք, դա մտածողության միջոց է: Ուսուցումը մայրենի լեզվով դպրոցում և համալսարանում շատ կարևոր է»,-ընդգծել է UNESCO-ի գլխավոր տնօրենի տեղակալը:
Կոնֆերանսում Փարիզի գիտական ուսումնասիրությունների ազգային կենտրոնի տնօրեն Ժոզեֆ Մարիանին հայտարարել է, որ «Եվրամիության երկրներում շատ քիչ միջոցներ են հատկացվում ազգային լեզուների պահպանման համար»: Նա ասել է, որ 2014-2015թթ.-երի համար Եվրամիության երկրներում լեզուները կիբերտարածություն տեղափոխելու համար հատկացվում է ընդամենը 4,5 մլն եվրո: «Ցանկալի է, որ Եվրամիության երկրները ավելի մեծ ուշադրություն դարձնեին լեզուների թվային պահպանության խնդիրներին: Պետք է հիմնել ընդհանուր բյուջե և ընդլայնել կապերը UNESCO-ի հետ»,- նշել է Ժոզեֆ Մարիանին:
Ավելացնենք, որ Յակուտսկում հունիսի 30-ին մեկնարկած միջազգային ֆորումին մասնակցում են 50 երկրների 130 մասնագետ: Այն կավարտի իր աշխատանքները հուլիսի 3-ին: