Ջորջ Քլունին սուշի սիրող իր տիկնոջը նվիրել է սուշիի ռեստորան 11.03.2015
Հոլլիվուդյան կինոյի գերաստղ Ջորջ Քլունին իր տիկնոջը, ծագումով լիբանանցի, փաստաբան Ամալ Ալամուդդինին, իրենց ամուսնության մեկ տարին լրանալու կապակցությամբ, նվիրել է Լոս-Անջելոսի Վենթուրա ճեմուղում գտնվող ճապոնական «Asanebo Sushi» ռեստորանի մասնաճյուղը՝ Լոնդոնում: Այդ մասին Լոնդոնում և Բեյրութում հրատարակվող «Ալ Հայաթ» լիբանանյան պարբերականի տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:
Այս ամուսնական զույգը հարսանիքից հետո մեղրամիսը Սեյշելյան կղզիներում անցկացնելուց ի վեր հիմնականում ապրում է բաժանված, քանի որ իր փաստաբանական կարիերան շարունակել ցանկացող Ամալ Ալամուդդինը չի մտածում անգամ թողնել Լոնդոնում գտնվող իր աշխատասենյակը և տեղափոխվել օվկիանոսից այն կողմ՝ ամուսնու մոտ: Իսկ ամուսինն էլ կնոջ զրույցներից լավ իմանալով, որ նա շատ է հավանում «Asanebo Sushi» ռեստորանում պատրաստված սուշին և ափսոսում է, որ Լոնդոնի իր բնակարանին մոտ նման հասարակական սննդի օբյեկտ չկա, որոշել է նրան մատուցել անակընկալ և ստանձնելով 460 հազար դոլար ծախսելու պատասխանատվություն՝ այդ ռեսրորանի տիրոջ համաձայնությամբ իրականություն է դարձրել կնոջ բաղձանքը:
Այժմ Ամալ Ալամուդդինը ոչ միայն իր բնակարանի հարևանությամբ կարող է իր սրտի ցանկության չափ սուշի վայելել, այլև այդ թանկարժեք և մեծ համարում ունեցող ռեստորան մուտք գործել որպես տիրուհի:
Քլունիի այդ շքեղ նվերը իր տիկնոջը շատերը համարում են երբեմնի «Հոլլիվուդյան սրտակեր ամուրիի» նկատմամբ հրաշալի լիբանանուհու հաղթանակի նշան: Սակայն պետք է ասել, որ Ջորջը ըմռնումով է մոտեցել իր տիկնոջ ցանկությանը՝ Լոնդոնում մնալու և փաստաբանի մասնագիտական կարիերան շարունակելու վերաբերյալ: Ավելին, ամուսնությունից մեկ տարի անց նա սկսել է խոսել Մառախլապատ Ալբիոնում նաև իր հիմնավորվելու մասին և, միաժամանակ, անընդհատ ընդգծում է, որ «Ամալը առաջին կինն է, ով հանուն իրեն /Քլունիի-խմբ./ չի թողել մասնագիտությունը»:
Ջորջ Քլունին և Լոնդոն տեղափոխված ու այնտեղ ապրող Ամալ Քլունին իրենց ամուսնությունը գրանցել են անցյալ տարի սեպտեմբերին՝ Վենետիկի քաղաքապետարանում:
Հիշեցնենք, որ Ամալ Քլունին 2015թ.-ին, որպես երրորդ կողմի ներկայացուցիչ հանդես է եկել Մարդու իրավունքների եվրոպական դատարանի «Դողու Պերինչեքն ընդդեմ Շվեյցարիայի» նիստում և պաշտպանել Հայաստանի շահերը:
Նրա փաստաբանական գործունեության հիշարժան մեկ այլ էջ էլ կապված է 2011 թվականին WikiLeaks-ի հիմնադիր Ջուլիան Ասանժի շահերի պաշտպանությամբ հանդես գալու հետ:
Ամալ Քլունին իրավաբանական կրթություն է ստացել Օքսֆորդի համալսարանում: Նա նաև Նյու Յորքի իրավաբանական դպրոցի շրջանավարտ է:
Հոլլիվուդյան կինոյի գերաստղ Ջորջ Քլունին իր տիկնոջը, ծագումով լիբանանցի, փաստաբան Ամալ Ալամուդդինին, իրենց ամուսնության մեկ տարին լրանալու կապակցությամբ, նվիրել է Լոս-Անջելոսի Վենթուրա ճեմուղում գտնվող ճապոնական «Asanebo Sushi» ռեստորանի մասնաճյուղը՝ Լոնդոնում: Այդ մասին Լոնդոնում և Բեյրութում հրատարակվող «Ալ Հայաթ» լիբանանյան պարբերականի տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:
Այս ամուսնական զույգը հարսանիքից հետո մեղրամիսը Սեյշելյան կղզիներում անցկացնելուց ի վեր հիմնականում ապրում է բաժանված, քանի որ իր փաստաբանական կարիերան շարունակել ցանկացող Ամալ Ալամուդդինը չի մտածում անգամ թողնել Լոնդոնում գտնվող իր աշխատասենյակը և տեղափոխվել օվկիանոսից այն կողմ՝ ամուսնու մոտ: Իսկ ամուսինն էլ կնոջ զրույցներից լավ իմանալով, որ նա շատ է հավանում «Asanebo Sushi» ռեստորանում պատրաստված սուշին և ափսոսում է, որ Լոնդոնի իր բնակարանին մոտ նման հասարակական սննդի օբյեկտ չկա, որոշել է նրան մատուցել անակընկալ և ստանձնելով 460 հազար դոլար ծախսելու պատասխանատվություն՝ այդ ռեսրորանի տիրոջ համաձայնությամբ իրականություն է դարձրել կնոջ բաղձանքը:
Այժմ Ամալ Ալամուդդինը ոչ միայն իր բնակարանի հարևանությամբ կարող է իր սրտի ցանկության չափ սուշի վայելել, այլև այդ թանկարժեք և մեծ համարում ունեցող ռեստորան մուտք գործել որպես տիրուհի:
Քլունիի այդ շքեղ նվերը իր տիկնոջը շատերը համարում են երբեմնի «Հոլլիվուդյան սրտակեր ամուրիի» նկատմամբ հրաշալի լիբանանուհու հաղթանակի նշան: Սակայն պետք է ասել, որ Ջորջը ըմռնումով է մոտեցել իր տիկնոջ ցանկությանը՝ Լոնդոնում մնալու և փաստաբանի մասնագիտական կարիերան շարունակելու վերաբերյալ: Ավելին, ամուսնությունից մեկ տարի անց նա սկսել է խոսել Մառախլապատ Ալբիոնում նաև իր հիմնավորվելու մասին և, միաժամանակ, անընդհատ ընդգծում է, որ «Ամալը առաջին կինն է, ով հանուն իրեն /Քլունիի-խմբ./ չի թողել մասնագիտությունը»:
Ջորջ Քլունին և Լոնդոն տեղափոխված ու այնտեղ ապրող Ամալ Քլունին իրենց ամուսնությունը գրանցել են անցյալ տարի սեպտեմբերին՝ Վենետիկի քաղաքապետարանում:
Հիշեցնենք, որ Ամալ Քլունին 2015թ.-ին, որպես երրորդ կողմի ներկայացուցիչ հանդես է եկել Մարդու իրավունքների եվրոպական դատարանի «Դողու Պերինչեքն ընդդեմ Շվեյցարիայի» նիստում և պաշտպանել Հայաստանի շահերը:
Նրա փաստաբանական գործունեության հիշարժան մեկ այլ էջ էլ կապված է 2011 թվականին WikiLeaks-ի հիմնադիր Ջուլիան Ասանժի շահերի պաշտպանությամբ հանդես գալու հետ:
Ամալ Քլունին իրավաբանական կրթություն է ստացել Օքսֆորդի համալսարանում: Նա նաև Նյու Յորքի իրավաբանական դպրոցի շրջանավարտ է: