Բիչկովը մեղավոր է զգում, որ չի թաքցրել պետության արածի նկատմամբ իր անհամաձայնությունը11.28.2023
Ռուսաստանի Վորոնեժի տարածաշրջանի կամերային թատրոնի հիմնադիր և գեղարվեստական ղեկավար Միխայիլ Բիչկովին մարզային իշխանությունների որոշմամբ աշխատանքից ազատելուն հաջորդած հանրային արձագանքներին ի պատասխան տարածաշրջանի Մշակույթի նախարար Մարիա Մազուրը հանդես է եկել հայտարարությամբ։ Այդ մասին տեղեկացնում է «Թագլուրը»՝ հղում անելով « oteatre.info»֊ին։
Մարզային գերատեսչության պաշտոնական կայքում հրապարակված հայտարարության մեջ Մազուրը նշել է, թե ինչ պատճառով է թատերախմբի և հանդիսատեսների համակրանքն ու պաշտպանությունը վայելող ղեկավարին աշխատանքից հեռացնելու որոշում կայացրել։
Նախարարը մասնավորապես նշել է, որ պետական թատրոնի ղեկավարը տարբեր հարթակներում «․․․ փաստորեն արտահայտվել է Ռուսական Դաշնության քաղաքականության դեմ, որի հաշվին աշխատել է ավելի քան 20 տարի և որի միջոցներով զարգացրել է Կամերային թատրոնը և տարաբնույթ փառատոները․․․»։ Բայց նախարարը նշել է, որ, այդ ողջ ժամանակաշրջանում Բիչկովը իր մեջ ուժ չի գտել ընդունելու իր սխալը, ներողություն չի խնդրել և չի փոխել իր վերաբերմունքը «Վորոնեժից տառացիորեն 300 կմ հեռավորությամբ տեղի ունեցող իրադարձությունների» նկատմամբ։
Ռուսաստանի Վորոնեժի մարզային մշակույթի նախարարը նաև արձանագրել է, որ «այդ նույն ժամանակամիջոցում տեղական իշխանությունները և բնակիչները ռազմաճակատ են ուղարկել միլիարդավոր ռուբլիների տարբեր օժանդակություններ․․․», իսկ իրենց մարտիկները զոհել են սեփական կյանքերը հանուն Ռուսաստանի ազատության․․․
Նախարարն իր հայտարարության մեջ հիշատակում է նաև Կամերային թատրոնի կոլկտիվին Միխայիլ Բիչկովի հրաժեշտի խոսքից մի հատված՝ ընդգծելով, որ այն մեկնաբանությունների կարիք չունի։
Ահա նախարարի հիշատակած այդ հատվածից մի դրվագ․ «Ինձ աշխատանքից ձևականորեն հեռացնելու պատճառ չկա,֊ գրել է Բիչկովը։֊ Մյուս կողմից , մենք հասուն մարդ ենք և հասկանում ենք ենթատեքստը, որի մեջ ապրում ենք։ Չնայած այն բանին, որ աշխատանքից ազատումը իրականացվում է այնպիսի հոդվածով, որին , ըստ հիմնադրի որոշման, որևէ բացատրություն չի ներկայացվում։ Պատիժ այլախոհության համար․․․»։
Բիչկովը թատերախմբին ուղղված հրաժեշտի խոսքում նաև նշել է, որ իր մեղքը կարող է արտացոլվել միայն այն բանում, որ 2022թ․֊ի փետրվարի 24֊ին ինքը «մյուս առաջատար ռուսական թատրոնների հետ» ստորագրել է պատերազմական գործողությունները դադարեցնելու կոչ անող նամակի տակ, իսկ այդ ստորագրողների 3/4֊ը զրկվել է աշխատանքից։ Բացի այդ, Վորոնեժի Կամերային թատրոնի նախկին ղեկավարը մեղավոր է զգում, որ չի թաքցրել ռուսական պետության արածի նկատմամբ իր անհամաձայնությունը։
Լուսանկարն՝ ըստ հղման աղբյուրի
Այս թեմայով այլ հղումներ-1
Ռուսաստանի Վորոնեժի տարածաշրջանի կամերային թատրոնի հիմնադիր և գեղարվեստական ղեկավար Միխայիլ Բիչկովին մարզային իշխանությունների որոշմամբ աշխատանքից ազատելուն հաջորդած հանրային արձագանքներին ի պատասխան տարածաշրջանի Մշակույթի նախարար Մարիա Մազուրը հանդես է եկել հայտարարությամբ։ Այդ մասին տեղեկացնում է «Թագլուրը»՝ հղում անելով « oteatre.info»֊ին։
Մարզային գերատեսչության պաշտոնական կայքում հրապարակված հայտարարության մեջ Մազուրը նշել է, թե ինչ պատճառով է թատերախմբի և հանդիսատեսների համակրանքն ու պաշտպանությունը վայելող ղեկավարին աշխատանքից հեռացնելու որոշում կայացրել։
Նախարարը մասնավորապես նշել է, որ պետական թատրոնի ղեկավարը տարբեր հարթակներում «․․․ փաստորեն արտահայտվել է Ռուսական Դաշնության քաղաքականության դեմ, որի հաշվին աշխատել է ավելի քան 20 տարի և որի միջոցներով զարգացրել է Կամերային թատրոնը և տարաբնույթ փառատոները․․․»։ Բայց նախարարը նշել է, որ, այդ ողջ ժամանակաշրջանում Բիչկովը իր մեջ ուժ չի գտել ընդունելու իր սխալը, ներողություն չի խնդրել և չի փոխել իր վերաբերմունքը «Վորոնեժից տառացիորեն 300 կմ հեռավորությամբ տեղի ունեցող իրադարձությունների» նկատմամբ։
Ռուսաստանի Վորոնեժի մարզային մշակույթի նախարարը նաև արձանագրել է, որ «այդ նույն ժամանակամիջոցում տեղական իշխանությունները և բնակիչները ռազմաճակատ են ուղարկել միլիարդավոր ռուբլիների տարբեր օժանդակություններ․․․», իսկ իրենց մարտիկները զոհել են սեփական կյանքերը հանուն Ռուսաստանի ազատության․․․
Նախարարն իր հայտարարության մեջ հիշատակում է նաև Կամերային թատրոնի կոլկտիվին Միխայիլ Բիչկովի հրաժեշտի խոսքից մի հատված՝ ընդգծելով, որ այն մեկնաբանությունների կարիք չունի։
Ահա նախարարի հիշատակած այդ հատվածից մի դրվագ․ «Ինձ աշխատանքից ձևականորեն հեռացնելու պատճառ չկա,֊ գրել է Բիչկովը։֊ Մյուս կողմից , մենք հասուն մարդ ենք և հասկանում ենք ենթատեքստը, որի մեջ ապրում ենք։ Չնայած այն բանին, որ աշխատանքից ազատումը իրականացվում է այնպիսի հոդվածով, որին , ըստ հիմնադրի որոշման, որևէ բացատրություն չի ներկայացվում։ Պատիժ այլախոհության համար․․․»։
Բիչկովը թատերախմբին ուղղված հրաժեշտի խոսքում նաև նշել է, որ իր մեղքը կարող է արտացոլվել միայն այն բանում, որ 2022թ․֊ի փետրվարի 24֊ին ինքը «մյուս առաջատար ռուսական թատրոնների հետ» ստորագրել է պատերազմական գործողությունները դադարեցնելու կոչ անող նամակի տակ, իսկ այդ ստորագրողների 3/4֊ը զրկվել է աշխատանքից։ Բացի այդ, Վորոնեժի Կամերային թատրոնի նախկին ղեկավարը մեղավոր է զգում, որ չի թաքցրել ռուսական պետության արածի նկատմամբ իր անհամաձայնությունը։
Լուսանկարն՝ ըստ հղման աղբյուրի
Այս թեմայով այլ հղումներ-1
.jpg)
