Ճապոնական դուետ, որի անունը վրացական «Գամարջոբա» է 02.21.2018
Ճապոնացի կատակերգակ երկու դերասան՝ Հիրոսի Յոսիմին և Քեյսուքե Ուչիդան մի քանի տարի առաջ Գերմանիայում հանդիպել են Վրաստանից ժամանած մի պարային խմբի և հասցրել են սովորել վրացական ամենակարևոր բառը՝ «գամարջոբա» («բարև»): Դրանից հետո նրանք վերադարձել են հայրենիք և այնտեղ հիմնել են իրենց դուետը, որը անվանել են «Գամարջոբա»: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Այսօր «Գամարջոբա» դուետը հայտնի է ոչ միայն Ճապոնիայում, այլև աշխարհի բազմաթիվ երկրներում: Բավական է ասել, որ այն արդեն հասցրել է հյուրախաղերով հանդես գալ ավելի քան 30 երկրներում, իսկ այս օրերին «Հանդարտ կատակերգություն» խորագրով նախագիծը հերթով կներկայացնեն Ռուսաստանի երեք գլխավոր թատերական քաղաքներում՝ Մոսկվայում, Սանկտ-Պետերբուրգում և Նովոսիբիրսկում:
Նրանց ելույթները էներգիայով են օժտված, ծիծաղելի են և շատ բարձր: Շատերը այն համարում են ռոք-համերգ և ոչ թե կատակերգակների շոու:
«Մեզ ներշնչում են համր կինոյի արտիստները, կատակերգակները: Բայց առավել շատ մենք սիրում ենք ռոք երաժշտություն: Մեր արտաքին տեսքից հասկանալի է. նայեք մեր իրոկեզ սանրվածքներին: Ի միջի այլոց, դրանք հանովի-դնովի են»,- ասում են արտիստները:
Այս դուետի գլխավոր կանոնն այն է, որ իրենց ոչ մի ելույթի ժամանակ բառ չեն արտաբերում, չեն խոսում:
Ճապոնացի կատակերգակ երկու դերասան՝ Հիրոսի Յոսիմին և Քեյսուքե Ուչիդան մի քանի տարի առաջ Գերմանիայում հանդիպել են Վրաստանից ժամանած մի պարային խմբի և հասցրել են սովորել վրացական ամենակարևոր բառը՝ «գամարջոբա» («բարև»): Դրանից հետո նրանք վերադարձել են հայրենիք և այնտեղ հիմնել են իրենց դուետը, որը անվանել են «Գամարջոբա»: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Այսօր «Գամարջոբա» դուետը հայտնի է ոչ միայն Ճապոնիայում, այլև աշխարհի բազմաթիվ երկրներում: Բավական է ասել, որ այն արդեն հասցրել է հյուրախաղերով հանդես գալ ավելի քան 30 երկրներում, իսկ այս օրերին «Հանդարտ կատակերգություն» խորագրով նախագիծը հերթով կներկայացնեն Ռուսաստանի երեք գլխավոր թատերական քաղաքներում՝ Մոսկվայում, Սանկտ-Պետերբուրգում և Նովոսիբիրսկում:
Նրանց ելույթները էներգիայով են օժտված, ծիծաղելի են և շատ բարձր: Շատերը այն համարում են ռոք-համերգ և ոչ թե կատակերգակների շոու:
«Մեզ ներշնչում են համր կինոյի արտիստները, կատակերգակները: Բայց առավել շատ մենք սիրում ենք ռոք երաժշտություն: Մեր արտաքին տեսքից հասկանալի է. նայեք մեր իրոկեզ սանրվածքներին: Ի միջի այլոց, դրանք հանովի-դնովի են»,- ասում են արտիստները:
Այս դուետի գլխավոր կանոնն այն է, որ իրենց ոչ մի ելույթի ժամանակ բառ չեն արտաբերում, չեն խոսում: