«Քաղաքային խաղալիք» տիկնայք կրում են լայն և երկար զանգ-կիսշրջազգեստներ01.25.2017
Ռուսաստանի Տուլա քաղաքում վարպետ-էնտուզիաստների ջանքերով վերականգնվում է անցյալում ժողովրդայնություն ունեցած ավանդական արհեստագործական յուրահատուկ մի եղանակ, որը կրել է «քաղաքային խաղալիք» անվանումը: Այդ կիրառական մշակութային ուղղությունը խորհրդային իշխանության տարիներին արգելվել էր:
Բանն այն է, որ «քաղաքային խաղալիքները» ծեփաքանդակի նմուշներ էին, որոնցով հեղինակները հիմնականում պատկերում էին ոչ հասարակ ծագման օրիորդներին, գիմնազիստներին, ցարական բանակի սպաներին, եկեղեցու սպասավորներին, որոնց կերպարների պատկերումը նոր իշխանությունները հռչակեցին անցյալի վերապրուկ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Ժամանակակից վարպետները բառացիորեն փշուր առ փշուր կրկին հավաքում և ի մի են բերում քաղաքային մշակույթի այդ յուրահատուկ դրսևորման տեխնիկան: Նրանց ստեղծած կերպարներն աչքի են ընկնում յուրահատուկ պլաստիկայով՝ մարմինը ձգված է դեպի վեր, տիկնայք կրում են լայն և երկար զանգ-կիսշրջազգեստներ: Արձանիկների չափերի այդպիսի հարաբերակցությունը դրանց հաղորդում է թեթևություն և նրբություն:
Շուտով ժամանակակից վարպետների այդ գործերը կհամալրեն Տուլայի գեղարվեստի թանգարանի ցուցանմուշների հավաքածոն:
Ռուսաստանի Տուլա քաղաքում վարպետ-էնտուզիաստների ջանքերով վերականգնվում է անցյալում ժողովրդայնություն ունեցած ավանդական արհեստագործական յուրահատուկ մի եղանակ, որը կրել է «քաղաքային խաղալիք» անվանումը: Այդ կիրառական մշակութային ուղղությունը խորհրդային իշխանության տարիներին արգելվել էր:
Բանն այն է, որ «քաղաքային խաղալիքները» ծեփաքանդակի նմուշներ էին, որոնցով հեղինակները հիմնականում պատկերում էին ոչ հասարակ ծագման օրիորդներին, գիմնազիստներին, ցարական բանակի սպաներին, եկեղեցու սպասավորներին, որոնց կերպարների պատկերումը նոր իշխանությունները հռչակեցին անցյալի վերապրուկ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:
Ժամանակակից վարպետները բառացիորեն փշուր առ փշուր կրկին հավաքում և ի մի են բերում քաղաքային մշակույթի այդ յուրահատուկ դրսևորման տեխնիկան: Նրանց ստեղծած կերպարներն աչքի են ընկնում յուրահատուկ պլաստիկայով՝ մարմինը ձգված է դեպի վեր, տիկնայք կրում են լայն և երկար զանգ-կիսշրջազգեստներ: Արձանիկների չափերի այդպիսի հարաբերակցությունը դրանց հաղորդում է թեթևություն և նրբություն:
Շուտով ժամանակակից վարպետների այդ գործերը կհամալրեն Տուլայի գեղարվեստի թանգարանի ցուցանմուշների հավաքածոն: