Ուղղակի, պարտադիր է, որ աշակերտը թատրոն գնա11.25.2013
Օրերս ՀՀ կրթության և գիտության նախարար Արմեն Աշոտյանի նախաձեռնությամբ հանդիպում է կայացել Հայաստանի թատերական գործիչների միության ներկայացուցիչների հետ: Հանդիպման շարժառիթը եղել է դպրոցներում դրամահավաքության արգելքը և դրա հետևանքում՝ կրթօջախներում թատրոննների տոմսերի վաճառքը դադարեցնելու հետ կապված հիմնախնդիրը:
Հանդիպման ժամանակ նախարարը նշել է, որ «Դրամահավաքությունն արգելվել է, որովհետև հնարավոր չէ հսկել՝ ուր են գնում այդ գումարները: Եվ փորձը ցույց է տալիս, որ եթե դրամահավաքությունը լիովին չի արգելվում, այլ թողնվում է ճկուն համակարգի, ապա այն արդյունավետ չէ»:
Ըստ ՀՀ Կրթության և գիտության նախարարության պաշտոնական կայքի, քննարկման ընթացքում Արմեն Աշոտյանն առաջարկել է հարցի քննարկմանը մասնակից դարձնել նաև ՀՀ մշակույթի նախարարությանը և համատեղ մտածել խնդրի լուծման տարբերակներ, որոնք, ըստ նրա , կօգնեն աշակերտին մերձեցնել արվեստի աշխարհին և միաժամանակ չեն դառնա ռիսկերի և անկառավարելի, ոչ թափանցիկ ֆինանսական հոսքերի պատճառ:
Նա առաջարկել է որպես քննարկման մի տարբերակ, օրինակ, օրակարգում ընդգրկել առաջիկա տարիներին պետական բյուջեում կրթությանը տրամադրվող ֆինանսական ծախսերում պարտադիր մշակութային բաղադրիչ:
Հանդիպման մասնակիցները նաև նշել են, որ անհրաժեշտ է հաստատել թատրոնների և ներկայացումների՝ դպրոցականների համար երաշխավորված ցանկ, որը կունենա ուսումնադաստիարակչական բնույթ:
Թատերական գործիչներն առաջարկել են ոչ թե արգելել դպրոցներում թատրոնի տոմսերի վաճառքը, այլ ուղղակի մեխանիզմներ մշակել, որպեսզի այդ վաճառքը չնպաստի դրամահավաքությանը: Նրանց ասելով մշակութային օջախ չայցելելը չափազանց մեծ վնաս է հասցնում մատաղ սերնդին, ուրեմն՝ ոչ միայն անհրաժեշտ, այլև, ուղղակի, պարտադիր է, որ աշակերտը թատրոն գնա:
Հանդիպման ժամանակ նախարարը նշել է, որ «Դրամահավաքությունն արգելվել է, որովհետև հնարավոր չէ հսկել՝ ուր են գնում այդ գումարները: Եվ փորձը ցույց է տալիս, որ եթե դրամահավաքությունը լիովին չի արգելվում, այլ թողնվում է ճկուն համակարգի, ապա այն արդյունավետ չէ»:
Ըստ ՀՀ Կրթության և գիտության նախարարության պաշտոնական կայքի, քննարկման ընթացքում Արմեն Աշոտյանն առաջարկել է հարցի քննարկմանը մասնակից դարձնել նաև ՀՀ մշակույթի նախարարությանը և համատեղ մտածել խնդրի լուծման տարբերակներ, որոնք, ըստ նրա , կօգնեն աշակերտին մերձեցնել արվեստի աշխարհին և միաժամանակ չեն դառնա ռիսկերի և անկառավարելի, ոչ թափանցիկ ֆինանսական հոսքերի պատճառ:
Նա առաջարկել է որպես քննարկման մի տարբերակ, օրինակ, օրակարգում ընդգրկել առաջիկա տարիներին պետական բյուջեում կրթությանը տրամադրվող ֆինանսական ծախսերում պարտադիր մշակութային բաղադրիչ:
Հանդիպման մասնակիցները նաև նշել են, որ անհրաժեշտ է հաստատել թատրոնների և ներկայացումների՝ դպրոցականների համար երաշխավորված ցանկ, որը կունենա ուսումնադաստիարակչական բնույթ:
Թատերական գործիչներն առաջարկել են ոչ թե արգելել դպրոցներում թատրոնի տոմսերի վաճառքը, այլ ուղղակի մեխանիզմներ մշակել, որպեսզի այդ վաճառքը չնպաստի դրամահավաքությանը: Նրանց ասելով մշակութային օջախ չայցելելը չափազանց մեծ վնաս է հասցնում մատաղ սերնդին, ուրեմն՝ ոչ միայն անհրաժեշտ, այլև, ուղղակի, պարտադիր է, որ աշակերտը թատրոն գնա: