9 հազար «Like».ով համաձայնել են ռեժիսորին ամոթանքով խարանելու առաջարկին07.13.2014
Ուրբաթ օրը մարդկային զայրույթի մի մեծ փոթորիկ է պայթել համացանցում, երբ կատակներով հայտնի օգտատեր Ջեյ Բրենսքոմբը իր ֆեյսբուքի էջում տեղադրել է մի լուսանկար, որտեղ կենդանության որևէ նշան չցուցաբերող դինոզավրի առջև պատկերված են համաշխարհային հռչակ վայելող կինոռեժիսոր Սթիվեն Սփիլբերգը և նրա ծանոթուհիներից մեկը:
Սոցիալական ցանցի կատակասեր օգտատերը նկարի հետ տարածել է նաև այսպիսի մեկնաբանություն. «Զվարճացող որսորդի ամոթալի լուսանկարը, ով երջանիկ դիրք է բռնել տրիցերատոպսի առջև, որին դաժանաբար սպանել է քիչ առաջ: Խնդրում եմ տարածեք լուսանկարը, որպեսզի աշխարհն իմանա այս գարշելի մարդուն և ամոթանք տա նրան»:
Այս ամոթանքի կոչին համացանցն արձագանքել է անմիջապես:Ավելի քան 9 հազար օգտատեր «Like».ով իր համերաշխությունն է արտահայտել ռեժիսորին խարանելու Բրենսքոմբի կոչին, իսկ շատերն էլ, ուղղակի, զայրալից մեկնաբանություններով են հանդես եկել նկարի մասին: Օրինակ, մի օգտատերը Սփիլբերգին է հասցեագրել հետևյալ խոսքերը. «Այսուհետ ես երբեք չեմ նայի ձեր ֆիլմերը, կենդանիներ սպանող»:
Ծանոթություն:
Տրիցերատոպսները և դրանց մերձավորագույն տեսակները պատկանում են եղջյուրավոր խոտակեր դինոզավրերի ցերատոպսիդների ընտանիքին: Դրանք ապրել են մելյան ժամանակաշրջանում և ունեցել են մի քանի եղջյուր կրող շատ ամուր և հաստ գանգ: Եղջյուրները կենդանիների համար ծառայել են որպես ինքնապաշտպանության միջոցներ՝ գիշատիչների դեմ մղած գոյության պայքարում: Դինոզավրերի այս տեսակը երկրի երեսից վերացել է մ.թ.ա. 60 միլիոն տարի առաջ: Իսկ լուսանկարում պատկեվածն այդ կենդանու մեխանիկական պատճենն է, որը Սփիլբերգն օգտագործել է 1993թ.-ին թողարկված «Յուրյան ժամանակաշրջանի այգին» գեղարվեստական ֆիլմի նկարահանման ժամանակ:
Ի դեպ, որպես իր կատակի շարունակություն Ջեյ Բրենսքոմբը համացանցում տեղադրել է նաև մի լուսանկար 1975թ.-ին թողարկված «Ծնոտներ» հայտնի ֆիլմից: Այստեղ էլ Սթիվեն Սփիլբերգը նստած է շնաձկան վրա: Այս նկարի տակ էլ կատակասեր օգտատերը թողել է այսպիսի մակագրություն. « Շնաձկներին դաժանաբար սպանողը, ով դիրքավորվել է իր անօրինական որսի վրա»:
Ուրբաթ օրը մարդկային զայրույթի մի մեծ փոթորիկ է պայթել համացանցում, երբ կատակներով հայտնի օգտատեր Ջեյ Բրենսքոմբը իր ֆեյսբուքի էջում տեղադրել է մի լուսանկար, որտեղ կենդանության որևէ նշան չցուցաբերող դինոզավրի առջև պատկերված են համաշխարհային հռչակ վայելող կինոռեժիսոր Սթիվեն Սփիլբերգը և նրա ծանոթուհիներից մեկը:
Սոցիալական ցանցի կատակասեր օգտատերը նկարի հետ տարածել է նաև այսպիսի մեկնաբանություն. «Զվարճացող որսորդի ամոթալի լուսանկարը, ով երջանիկ դիրք է բռնել տրիցերատոպսի առջև, որին դաժանաբար սպանել է քիչ առաջ: Խնդրում եմ տարածեք լուսանկարը, որպեսզի աշխարհն իմանա այս գարշելի մարդուն և ամոթանք տա նրան»:
Այս ամոթանքի կոչին համացանցն արձագանքել է անմիջապես:Ավելի քան 9 հազար օգտատեր «Like».ով իր համերաշխությունն է արտահայտել ռեժիսորին խարանելու Բրենսքոմբի կոչին, իսկ շատերն էլ, ուղղակի, զայրալից մեկնաբանություններով են հանդես եկել նկարի մասին: Օրինակ, մի օգտատերը Սփիլբերգին է հասցեագրել հետևյալ խոսքերը. «Այսուհետ ես երբեք չեմ նայի ձեր ֆիլմերը, կենդանիներ սպանող»:
Ծանոթություն:
Տրիցերատոպսները և դրանց մերձավորագույն տեսակները պատկանում են եղջյուրավոր խոտակեր դինոզավրերի ցերատոպսիդների ընտանիքին: Դրանք ապրել են մելյան ժամանակաշրջանում և ունեցել են մի քանի եղջյուր կրող շատ ամուր և հաստ գանգ: Եղջյուրները կենդանիների համար ծառայել են որպես ինքնապաշտպանության միջոցներ՝ գիշատիչների դեմ մղած գոյության պայքարում: Դինոզավրերի այս տեսակը երկրի երեսից վերացել է մ.թ.ա. 60 միլիոն տարի առաջ: Իսկ լուսանկարում պատկեվածն այդ կենդանու մեխանիկական պատճենն է, որը Սփիլբերգն օգտագործել է 1993թ.-ին թողարկված «Յուրյան ժամանակաշրջանի այգին» գեղարվեստական ֆիլմի նկարահանման ժամանակ:
Ի դեպ, որպես իր կատակի շարունակություն Ջեյ Բրենսքոմբը համացանցում տեղադրել է նաև մի լուսանկար 1975թ.-ին թողարկված «Ծնոտներ» հայտնի ֆիլմից: Այստեղ էլ Սթիվեն Սփիլբերգը նստած է շնաձկան վրա: Այս նկարի տակ էլ կատակասեր օգտատերը թողել է այսպիսի մակագրություն. « Շնաձկներին դաժանաբար սպանողը, ով դիրքավորվել է իր անօրինական որսի վրա»: