Հարավային Կորեայի հետ Հայաստանի ընդհանրությունը աղքատ մարդիկ են07.15.2014
Քիմ Քի Դուքի հետ հայ հանդիսատեսի առաջին ծանոթությունը սկսվեց երգով, որը նա հնչեցրեց «Ոսկե Ծիրան» Երևանի 11-րդ միջազգային կինոփառատոնի բացման արարողության և իրեն շնորհված մրցանակն ընդունելու ժամանակ: Այդ մասին հաղորդում է «taglur.am» կայքը:
Դա թախծոտ և մարդկային հոգու խորքերում կուտակված ցավերը լուսավոր ու բարի հնչյունների վերածող մեղեդի էր՝ ունկնդիրների գերակշիռ մեծամասնության համար անհասկանալի բառերով:
Երևանյան կինոփառատոնի շրջանակներում երկօրյա այցով Երևան ժամանած հարավկորեացի ռեժիսորն իր հայրենիքի հետ Հայաստանի ընդհանրություններից նշել է այն, որ «...լավ երևույթների հետ մեկտեղ» փողոցներում կան աղքատներ:
Հասարակական կյանքի ստորին աստիճաններում հայտնված մարդկանց ճակատագիրը հենց այն թեման է, որ ամենից շատ է հուզում Քիմ Քի Դուք արվեստագետին:
Բարդ ու հակասական երիտասարդական անցյալ ունեցող ռեժիսորը ասել է, որ իր ֆիլմերում արտացոլված է այն ամենը, ինչն ինքն ապրել է և ինչը մարդկանց կյանքի ու առօրյայի միջոցով իր ներսում ձևավորում է կինոպատումի թեմա և նկարագիր: «Իմ ֆիլմերը չունեն երջանիկ ավարտ, ես ցույց եմ տալիս այն ամենը ինչը քիչ է բարձրաձայնվում«,-նշել է Քիմ Քի Դուքը:
«Ոսկե Ծիրան» Երևանի 11-րդ միջազգային կինոփառատոնի ծրագրում նախատեսված է հարավկորեացի կինոբեմադրիչի 6 ֆիլմերի ցուցադրություն: Դրանք կինոյի աշխարհում արդեն հայտնի և բարձր գնահատանքի արժանացած գործեր են: Բավական է նշել, օրինակ, որ «Պիետա» կինոնկարը, որով կսկսվի Քիմ Քի Դուքի ստեղծագործությունների հետհայաց ցուցադրությունը, Վենետիկի միջազգային կինոփառատոնում նվաճել է բարձրագույն մրցանակը՝ «Ոսկե առյուծը»:
Դա թախծոտ և մարդկային հոգու խորքերում կուտակված ցավերը լուսավոր ու բարի հնչյունների վերածող մեղեդի էր՝ ունկնդիրների գերակշիռ մեծամասնության համար անհասկանալի բառերով:
Երևանյան կինոփառատոնի շրջանակներում երկօրյա այցով Երևան ժամանած հարավկորեացի ռեժիսորն իր հայրենիքի հետ Հայաստանի ընդհանրություններից նշել է այն, որ «...լավ երևույթների հետ մեկտեղ» փողոցներում կան աղքատներ:
Հասարակական կյանքի ստորին աստիճաններում հայտնված մարդկանց ճակատագիրը հենց այն թեման է, որ ամենից շատ է հուզում Քիմ Քի Դուք արվեստագետին:
Բարդ ու հակասական երիտասարդական անցյալ ունեցող ռեժիսորը ասել է, որ իր ֆիլմերում արտացոլված է այն ամենը, ինչն ինքն ապրել է և ինչը մարդկանց կյանքի ու առօրյայի միջոցով իր ներսում ձևավորում է կինոպատումի թեմա և նկարագիր: «Իմ ֆիլմերը չունեն երջանիկ ավարտ, ես ցույց եմ տալիս այն ամենը ինչը քիչ է բարձրաձայնվում«,-նշել է Քիմ Քի Դուքը:
«Ոսկե Ծիրան» Երևանի 11-րդ միջազգային կինոփառատոնի ծրագրում նախատեսված է հարավկորեացի կինոբեմադրիչի 6 ֆիլմերի ցուցադրություն: Դրանք կինոյի աշխարհում արդեն հայտնի և բարձր գնահատանքի արժանացած գործեր են: Բավական է նշել, օրինակ, որ «Պիետա» կինոնկարը, որով կսկսվի Քիմ Քի Դուքի ստեղծագործությունների հետհայաց ցուցադրությունը, Վենետիկի միջազգային կինոփառատոնում նվաճել է բարձրագույն մրցանակը՝ «Ոսկե առյուծը»: