Մրցանակը՝ Ստանիսլավսկու ստորագրության ճշգրիտ պատճեն11.25.2019
Այսօր, նոյեմբերի 25-ին, մոսկվայում կկայանա Ստանիսլավսկու անվան միջազգային 24-րդ մրցանակաբաշխության հանդիսավոր արարողությունը: Ավանդաբար այս միջոցառումը կկայանա ուշ երեկոյան՝ «Բելչուգ-Կեմպինսկի» հյուրանոցում:
Արդեն հայտնի են այդ պատվավոր մրցանակի 15 հաղթողները:
2019թ.-ին «Համաշխարհային թատրոնի զարգացման մեջ կատարած ներդրման համար» անվանակարգում հաղթողներ են հռչակվել երկու բրիտանացիներ՝ դերասանուհի Ջուդի Դենչը և դրամատուրգ Թոմ Սթոփարդը : Իսկ «Ռուսական թատրոնի զարգացման մեջ կատարած ներդրման համար» անվանակարգում հաղթող են դարձել ռեժիսոր Ռոման Վիկտյուկը և Մոսկյվայի երգիծանքի թատրոնի գեղարվեստական ղեկավար Ալեքսանդր Շիրվինդտը:
Մրցութային հանձնաժողովի կարծիքով անցած թատերաշրջանի իրադարձությունը համարվել է «Գոգոլ կենտրոն» թատրոնում բեմականացված «Բարոկկո» ներկայացումը: Ասենք, որ այս ներկայացումը թատրոնը պատրաստել է իր գեղարվեստական ղեկավար Կիրիլ Սերեբրեննիկովի տնային կալանքում գտնվելու ժամանակ, որին նա ենթարկվել էր աղմկահարույց «7-րդ ստուդիայի» քրեական գործի շրջանակներում:
«Թատերական մանկավարժություն» անվանակարգում մրցանակը հետմահու շնորհվել է 2018թ.-ին կյանքից անժամանակ հեռացած ռեժիսոր Դմիտրի Բրուսնիկինին:
Ստանիսլավսկու անվան թատերական մրցանակը հիմնադրվել է 1994թ.-ին: Այն Ռուսաստանի մշակույթի նախարարության և Մոսկվայի քաղաքապետարանի օժանդակությամբ իրականացնում է Կոնստանտին Ստանիսլավսկու անվան հիմնադրամը:
Մրցանակակիրները ստանում են չեխովյան ճայի պատկերով պատվո նշան և Ստանիսլավսկու ստորագրության ճշգրիտ պատճեն (ֆաքսիմիլեն):
Այսօր, նոյեմբերի 25-ին, մոսկվայում կկայանա Ստանիսլավսկու անվան միջազգային 24-րդ մրցանակաբաշխության հանդիսավոր արարողությունը: Ավանդաբար այս միջոցառումը կկայանա ուշ երեկոյան՝ «Բելչուգ-Կեմպինսկի» հյուրանոցում:
Արդեն հայտնի են այդ պատվավոր մրցանակի 15 հաղթողները:
2019թ.-ին «Համաշխարհային թատրոնի զարգացման մեջ կատարած ներդրման համար» անվանակարգում հաղթողներ են հռչակվել երկու բրիտանացիներ՝ դերասանուհի Ջուդի Դենչը և դրամատուրգ Թոմ Սթոփարդը : Իսկ «Ռուսական թատրոնի զարգացման մեջ կատարած ներդրման համար» անվանակարգում հաղթող են դարձել ռեժիսոր Ռոման Վիկտյուկը և Մոսկյվայի երգիծանքի թատրոնի գեղարվեստական ղեկավար Ալեքսանդր Շիրվինդտը:
Մրցութային հանձնաժողովի կարծիքով անցած թատերաշրջանի իրադարձությունը համարվել է «Գոգոլ կենտրոն» թատրոնում բեմականացված «Բարոկկո» ներկայացումը: Ասենք, որ այս ներկայացումը թատրոնը պատրաստել է իր գեղարվեստական ղեկավար Կիրիլ Սերեբրեննիկովի տնային կալանքում գտնվելու ժամանակ, որին նա ենթարկվել էր աղմկահարույց «7-րդ ստուդիայի» քրեական գործի շրջանակներում:
«Թատերական մանկավարժություն» անվանակարգում մրցանակը հետմահու շնորհվել է 2018թ.-ին կյանքից անժամանակ հեռացած ռեժիսոր Դմիտրի Բրուսնիկինին:
Ստանիսլավսկու անվան թատերական մրցանակը հիմնադրվել է 1994թ.-ին: Այն Ռուսաստանի մշակույթի նախարարության և Մոսկվայի քաղաքապետարանի օժանդակությամբ իրականացնում է Կոնստանտին Ստանիսլավսկու անվան հիմնադրամը:
Մրցանակակիրները ստանում են չեխովյան ճայի պատկերով պատվո նշան և Ստանիսլավսկու ստորագրության ճշգրիտ պատճեն (ֆաքսիմիլեն):