Վատիկանը թվայնացնում է Առաքելական գրադարանի ֆոնդերը03.21.2014
Վատիկանը համաձայնության է եկել ճապոնական «NTT DATA » ընկերության հետ Սուրբ աթոռի Առաքելական գրադարանում պահվող 82 հազար ձեռագիր մատյանները թվայնացնելու համար:
«Մենք հաճույքով ընդունեցինք նորագույն տեխնոլոգիաների կիրառմամբ մեր մատյանները թվային կրիչների վրա տեղափոխելու ծրագիրը զարգացնելու «NTT DATA »-ի հետ համագործակցելու հնարավորությունը: Այսպիսով մենք զարգացնում ենք ողջ մարդկության այդ գանձերը պահպանելու մեր առաքելությունը և օժանդակում ենք, որպեսզի այն տարածվի ամբողջ աշխարհում»,- հինգշաբթի օրը հայտարարել է Վատիկանի առաքելական եկեղեցու գրադարանի պատասխանատու, մոնսինյոր Չեզարե Պազինին:
Աշխատանքների առաջին փուլում, որը կտևի 4 տարի, առաջարկվում է էլեկտրոնային տարբերակի վերածել 3 հազար մատյան: Այսպիսով, գրադարանը մտադիր է արդեն թվայնացած ստեղծագործությունների քանակը հասցնել 15 հազարի: Ընդհանուր առմամբ ճապոնացի մասնագետները պետք է արտատպեն 2-րդից 20-րդ դարերի միջև ընկած ժամանակաշրջանին վերագրվող մոտ 41 մլն էջ ձեռագրեր: Պահվող տվյալների ընդհանուր ծավալը կկազմի 43 պետաբայթ (10 բայթի 15-րդ աստիճանը ): Համեմատության համար նշենք, որ Google-ը ամեն օր մշակում է 24 պետաբայթ տվյալներ:
Ենթադրվում է, որ թվայնացված ստեղծագործություններով բարձր մատչելիության բոլոր ֆայլերը հասանելի կլինեն Առաքելական գրադարանի կայքի բոլոր այցելուների համար:
Ավելի վաղ Վատիկանի Առաքելական գրադարանը թվային ձևաչափի էր փոխադրել իր ֆոնդերում պահվող 13 հազար հոլանդական երաժշտական ձեռագիր էջ:
Վատիկանի Առաքելական գրադարանը հանդիսանում է աշխարհի հնագույն գրապահոցներից մեկը: Դրա հիմնադիրն է համարվում Հռոմի Նիկողայոս 5-րդ պապը (1447-1455), իսկ գրադարանի ստեղծման պաշտոնական փաստաթուղթը ստորագրել է Հռոմի պապ Սիքստոս 4-րդը՝ 1475 թ.-ին:
Գրադարանի ֆոնդերում կա 1մլն 600 հազար տպագիր գիրք, որոնցից 8 հազար 700-ը հնատիպ են, այսինքն հրատարակվել են Եվրոպայում՝ սկսած գրատպության մեկնարկի ժամանակաշրջանից մինչև 1501 թ.-ի հունվարը: Գրադարանի ֆոնդերում 280 հազարը՝ ձեռագիր մատյաններ են: Բացի այդ այնտեղ պահվում են ավելի քան 400 հազար մետաղադրամ, 150 հազար լուսանկար, հարյուր հազարավոր ճեպանկարներ և պատճեններ: Գրադարանում պահվում են բազմաթիվ եզակի և արժեքավոր փաստաթղթեր: Այնտեղ է գտնվում Գուտենբերգի լատինատառ Աստվածաշունչը, որը համարվում է տառերի շարվածքով առաջին տպագիր գիրքը Եվրոպայում, Վերգիլիոսի, Հոմերոսի, Սոֆոկլեսի, Պլատոնի և Հիպոկրատի նկարազարդ ստեղծագործությունները, Սանդրո Բոտիչելիի Դանթեի «Աստվածային կատակերգություն» գրքի նկարազարդումները, ինչպես նաև Բոդմերի հռչակավոր պապիրուսը, որտեղ գրված են Ղուկասի և Հովհաննեսի հեղինակած ամենահին աստվածաշնչյան տեքստերը:
«Մենք հաճույքով ընդունեցինք նորագույն տեխնոլոգիաների կիրառմամբ մեր մատյանները թվային կրիչների վրա տեղափոխելու ծրագիրը զարգացնելու «NTT DATA »-ի հետ համագործակցելու հնարավորությունը: Այսպիսով մենք զարգացնում ենք ողջ մարդկության այդ գանձերը պահպանելու մեր առաքելությունը և օժանդակում ենք, որպեսզի այն տարածվի ամբողջ աշխարհում»,- հինգշաբթի օրը հայտարարել է Վատիկանի առաքելական եկեղեցու գրադարանի պատասխանատու, մոնսինյոր Չեզարե Պազինին:
Աշխատանքների առաջին փուլում, որը կտևի 4 տարի, առաջարկվում է էլեկտրոնային տարբերակի վերածել 3 հազար մատյան: Այսպիսով, գրադարանը մտադիր է արդեն թվայնացած ստեղծագործությունների քանակը հասցնել 15 հազարի: Ընդհանուր առմամբ ճապոնացի մասնագետները պետք է արտատպեն 2-րդից 20-րդ դարերի միջև ընկած ժամանակաշրջանին վերագրվող մոտ 41 մլն էջ ձեռագրեր: Պահվող տվյալների ընդհանուր ծավալը կկազմի 43 պետաբայթ (10 բայթի 15-րդ աստիճանը ): Համեմատության համար նշենք, որ Google-ը ամեն օր մշակում է 24 պետաբայթ տվյալներ:
Ենթադրվում է, որ թվայնացված ստեղծագործություններով բարձր մատչելիության բոլոր ֆայլերը հասանելի կլինեն Առաքելական գրադարանի կայքի բոլոր այցելուների համար:
Ավելի վաղ Վատիկանի Առաքելական գրադարանը թվային ձևաչափի էր փոխադրել իր ֆոնդերում պահվող 13 հազար հոլանդական երաժշտական ձեռագիր էջ:
Վատիկանի Առաքելական գրադարանը հանդիսանում է աշխարհի հնագույն գրապահոցներից մեկը: Դրա հիմնադիրն է համարվում Հռոմի Նիկողայոս 5-րդ պապը (1447-1455), իսկ գրադարանի ստեղծման պաշտոնական փաստաթուղթը ստորագրել է Հռոմի պապ Սիքստոս 4-րդը՝ 1475 թ.-ին:
Գրադարանի ֆոնդերում կա 1մլն 600 հազար տպագիր գիրք, որոնցից 8 հազար 700-ը հնատիպ են, այսինքն հրատարակվել են Եվրոպայում՝ սկսած գրատպության մեկնարկի ժամանակաշրջանից մինչև 1501 թ.-ի հունվարը: Գրադարանի ֆոնդերում 280 հազարը՝ ձեռագիր մատյաններ են: Բացի այդ այնտեղ պահվում են ավելի քան 400 հազար մետաղադրամ, 150 հազար լուսանկար, հարյուր հազարավոր ճեպանկարներ և պատճեններ: Գրադարանում պահվում են բազմաթիվ եզակի և արժեքավոր փաստաթղթեր: Այնտեղ է գտնվում Գուտենբերգի լատինատառ Աստվածաշունչը, որը համարվում է տառերի շարվածքով առաջին տպագիր գիրքը Եվրոպայում, Վերգիլիոսի, Հոմերոսի, Սոֆոկլեսի, Պլատոնի և Հիպոկրատի նկարազարդ ստեղծագործությունները, Սանդրո Բոտիչելիի Դանթեի «Աստվածային կատակերգություն» գրքի նկարազարդումները, ինչպես նաև Բոդմերի հռչակավոր պապիրուսը, որտեղ գրված են Ղուկասի և Հովհաննեսի հեղինակած ամենահին աստվածաշնչյան տեքստերը: