Թանգարան է մտել զուգարանից օգտվելու նպատակով, բայց դուրս գալիս՝ գողացել է մեկ նկար02.01.2014
Ղրղզստանի գեղարվեստի ազգային թանգարանից Հովհաննես Այվազովսկու հեղինակած կտավը գողացողը մեղայականով ներկայացել է միլիցիայի բաժին: Այդ մասին հաղորդում է «РИА Новости »-ն՝ հղում անելով ՆԳ Բիշքեքի Պետական վարչության մամլո ծառայությանը:
Նկարի անհետացումը բացահայտվել էր թանգարանի շենքում կազմակերպված ամանորի կորպորատիվ միջոցառման հաջորդ օրը: Նկարչի կողմից 1866 թ.-ին վրձնված «Ծովային բնապատկեր Ղրիմում» կտավը, որն ունի 47×53,5 սմ չափեր, գնահատվում է ավելի քան 2 մլն սոմ (ավելի քան 40 հազար դոլար) : Մեկ շաբաթ առաջ անհայտ անձինք նկարը վերադարձրել էին, այն նետելով Բիշքեքի թերթի խմբագրատներից մեկի տարածք:
Իրավապահ մարմինների գործադրած որոնողական ջանքերի արդյունքում նկարի գողը հայտնաբերվել է: Պարզվել է, որ այդ հանցանքի հեղինակը նախկինում դատված, 30-ամյա Ռաֆայել Ֆ.-ն է, ով բնակվում է Կանտ քաղաքում:
Կասկածյալը պատմել է, որ ինքը տոմս է գնել և մտել թանգարան՝ այն փակելուց առաջ: Նրա նպատակը եղել է, ոչ թե գեղարվեստի գործերով հիանալը, որոնցից ինքը ոչինչ չի հասկանում, այլ զուգարան գնալը: Թանգարանի միջանցքում նա տեսել է կորպորատիվ երեկոյի համար ուտեստներով լի սեղանը և այնտեղի աշխատակիցներին, իսկ երկրորդ հարկում ոչ ոք չի եղել: Եվ Ռաֆայելը որոշել է այստեղից իր հետ վերցնել առաջին իսկ պատահած նկարը: Շրջանակը կախած տեղից հանելուց հետո նա դանակով կտրել է կտավը, փաթաթել և թաքցնելով հագուստի տակ՝ անարգել հեռացել թանգարանի շենքից:
Ավելի ուշ մամուլի հաղորդագրություններից նա իմացել է նկարի արժեքի և իրականացվող որոնողական աշխատանքների մասին և որոշել է վերադարձնել:
Հանցագործության մեջ կասկածյալը ձերբակալված է:
Ղրղզստանի գեղարվեստի ազգային թանգարանից Հովհաննես Այվազովսկու հեղինակած կտավը գողացողը մեղայականով ներկայացել է միլիցիայի բաժին: Այդ մասին հաղորդում է «РИА Новости »-ն՝ հղում անելով ՆԳ Բիշքեքի Պետական վարչության մամլո ծառայությանը:
Նկարի անհետացումը բացահայտվել էր թանգարանի շենքում կազմակերպված ամանորի կորպորատիվ միջոցառման հաջորդ օրը: Նկարչի կողմից 1866 թ.-ին վրձնված «Ծովային բնապատկեր Ղրիմում» կտավը, որն ունի 47×53,5 սմ չափեր, գնահատվում է ավելի քան 2 մլն սոմ (ավելի քան 40 հազար դոլար) : Մեկ շաբաթ առաջ անհայտ անձինք նկարը վերադարձրել էին, այն նետելով Բիշքեքի թերթի խմբագրատներից մեկի տարածք:
Իրավապահ մարմինների գործադրած որոնողական ջանքերի արդյունքում նկարի գողը հայտնաբերվել է: Պարզվել է, որ այդ հանցանքի հեղինակը նախկինում դատված, 30-ամյա Ռաֆայել Ֆ.-ն է, ով բնակվում է Կանտ քաղաքում:
Կասկածյալը պատմել է, որ ինքը տոմս է գնել և մտել թանգարան՝ այն փակելուց առաջ: Նրա նպատակը եղել է, ոչ թե գեղարվեստի գործերով հիանալը, որոնցից ինքը ոչինչ չի հասկանում, այլ զուգարան գնալը: Թանգարանի միջանցքում նա տեսել է կորպորատիվ երեկոյի համար ուտեստներով լի սեղանը և այնտեղի աշխատակիցներին, իսկ երկրորդ հարկում ոչ ոք չի եղել: Եվ Ռաֆայելը որոշել է այստեղից իր հետ վերցնել առաջին իսկ պատահած նկարը: Շրջանակը կախած տեղից հանելուց հետո նա դանակով կտրել է կտավը, փաթաթել և թաքցնելով հագուստի տակ՝ անարգել հեռացել թանգարանի շենքից:
Ավելի ուշ մամուլի հաղորդագրություններից նա իմացել է նկարի արժեքի և իրականացվող որոնողական աշխատանքների մասին և որոշել է վերադարձնել:
Հանցագործության մեջ կասկածյալը ձերբակալված է: