Ըստ Սթրիփի սովորական քաղաքացին հնարավորություն չունի բողոքելու ...09.10.2019
Հոլլիվուդի գերաստղ Մերիլ Սթրիփը կարծիք է հայտնել, որ եղանակի փոփոխությունից բացի, ամենամեծ հիմնախնդիրը մարդկանց ստացած եկամուտների անհավասարությունը և ֆինանսների աշխարհում գոյություն ունեցող կոռռուպցիան է: Այդ մասին տեղեկացնում է «taglur.am»-ը՝ հղում անելով «kommersant.ru»-ին:
«Պատկերացրեք, պայմանականորեն 50 մարդ աշխարհում վերահսկում են ողջ հարստությունները»,- նշում է արտիստուհին և հավելում. «Խորամուխ եղեք այն հանգամանքի վրա, որ գրեթե մեզնից յուրաքանչյուրը, «յուրաքանչյուրը»՝ ընդգծում է նա, այսպես կամ այնպես, աշխատում է այդ մարդկանց համար»:
Մերիլ Սթրիփը հռետորական հարց է բարձրացնում, թե ինչպե՞ս փոխել օրենքները, եթե դրանք գրում են այն մարդիկ, որոնք նվիրատվություններ են ստանում այդ նույն ընկերություններից և մասնավոր անձանցից: Ինչպե՞ս ստիպել քաղաքական գործիչներին գնալ անհավանականորեն հզոր կորպորացիաների և ինստիտուտների դեմ, որպեսզի նրանք վճարեն հարկեր:
«Մարդիկ պետք է խոստովանեն, որ տնտեսական անհավասարության հիմնախնդիրը հնարավոր է լուծել միայն հաղթահարելով մեր անտակ ագահությունը»,- ասում է Սթրիփը և առաջարկում է սխալների ուղղումն սկսել միանգամայն բաց քննարկումներից:
Մերիլ Սթրիփն ափսոսանք է հայտնում, որ աշխարհում կան շատ երկրներ, որոնց իրավական համակարգը կոռումպացված է և սովորական քաղաքացին հնարավորություն չունի բողոքելու նրանց դեմ, ովքեր խախտում են օրենքները: Սակայն, նա համոզված է, որ քննարկումը պետք է սկսել:
«Մեզնից յուրաքանչյուրը պետք է սկսի սեփական անձից և հարցնի. «Ինչպե՞ս եմ ես ինձ զգում այս կոռուպցիայի մեջ»:
Ըստ արտիստուհու բոլորն անխտիր հանդիսանում են այն համակարգի մասնակիցը, որի հիմքում ընկած է խարդախությունը: Նա խնդրի լուծման տարբերակներից մեկը տեսնում է այն բանի մեջ, որ փողը մասհանվի քաղաքական ոլորտից:
«Մենք, միաժամանակ, պետք է վերսկսենք զրույցը մարդ արարածի էության մասին»,- նշում է նա և շեշտում որ իր իդեալիզմը զարմանալի չէ, քանի որ հասկացել է, որ մարդիկ ինչ-որ բան ձեռք բերելու իրենց ձգտումներով գոյություն են ունեցել նախնադարից, այն ժամանակներից, երբ մի մարդը մյուսի մասին մտածում էր. «Իսկ ինչու՞ հարևանիս քարանձավն ավելի մեծ է, քան իմը»:
Նա նշում է, որ կա այնպիսի կարծիք, որ նախանձն ու կուտակելու կիրքը մարդկային բնույթի մաս են, որը սկսել է ձևավորվել դեռ մինչև փողի ի հայտ գալը:
«Բայց ինչու ենք մենք կարծում, որ մարդը չի կարող փոխվել»,- հարցնում է Սթրիփը...
ԾԱՆՈԹՈՒԹՅՈՒՆ: Մերիլ Սթրիփի մասնակցությամբ վերջին ֆիլմը, որի պրեմիերան կայացել է Վենետիկի 76-րդ միջազգային կինոփառատոնում Սթիվեն Սոդբերգի «Լվացքատուն» սերիալն է, որն անդրադառնում է Ֆինանսական աշխարհի մութ կողմերին:
Կինոնկարի հիմքում ընկած է «Պանամայի գործ» անունն ստացած պատմությունը, որը նկարագրված է Ջեք Բերնսթայնի «Գաղտնիության աշխարհ: Համշխարհային էլիտայի անօրինական փողային ցանցերի Պանամայի քննությունը» գրքում, որը հեղինակին բերեց Պուլիտցերյան մրցանակ:
Մերիլ Սթրիփի հերոսուհին՝ Էլլեն Մարթինը, ամուսնու զոհվելուց հետո, դեմ հանդիման բախվում է օֆշորային հաշիվների, կապիտալի, միլիարդանոց շրջանառություններով, փոխառությունների ու վարկերի մերօրյա աշխարհին:
Հոլլիվուդի գերաստղ Մերիլ Սթրիփը կարծիք է հայտնել, որ եղանակի փոփոխությունից բացի, ամենամեծ հիմնախնդիրը մարդկանց ստացած եկամուտների անհավասարությունը և ֆինանսների աշխարհում գոյություն ունեցող կոռռուպցիան է: Այդ մասին տեղեկացնում է «taglur.am»-ը՝ հղում անելով «kommersant.ru»-ին:
«Պատկերացրեք, պայմանականորեն 50 մարդ աշխարհում վերահսկում են ողջ հարստությունները»,- նշում է արտիստուհին և հավելում. «Խորամուխ եղեք այն հանգամանքի վրա, որ գրեթե մեզնից յուրաքանչյուրը, «յուրաքանչյուրը»՝ ընդգծում է նա, այսպես կամ այնպես, աշխատում է այդ մարդկանց համար»:
Մերիլ Սթրիփը հռետորական հարց է բարձրացնում, թե ինչպե՞ս փոխել օրենքները, եթե դրանք գրում են այն մարդիկ, որոնք նվիրատվություններ են ստանում այդ նույն ընկերություններից և մասնավոր անձանցից: Ինչպե՞ս ստիպել քաղաքական գործիչներին գնալ անհավանականորեն հզոր կորպորացիաների և ինստիտուտների դեմ, որպեսզի նրանք վճարեն հարկեր:
«Մարդիկ պետք է խոստովանեն, որ տնտեսական անհավասարության հիմնախնդիրը հնարավոր է լուծել միայն հաղթահարելով մեր անտակ ագահությունը»,- ասում է Սթրիփը և առաջարկում է սխալների ուղղումն սկսել միանգամայն բաց քննարկումներից:
Մերիլ Սթրիփն ափսոսանք է հայտնում, որ աշխարհում կան շատ երկրներ, որոնց իրավական համակարգը կոռումպացված է և սովորական քաղաքացին հնարավորություն չունի բողոքելու նրանց դեմ, ովքեր խախտում են օրենքները: Սակայն, նա համոզված է, որ քննարկումը պետք է սկսել:
«Մեզնից յուրաքանչյուրը պետք է սկսի սեփական անձից և հարցնի. «Ինչպե՞ս եմ ես ինձ զգում այս կոռուպցիայի մեջ»:
Ըստ արտիստուհու բոլորն անխտիր հանդիսանում են այն համակարգի մասնակիցը, որի հիմքում ընկած է խարդախությունը: Նա խնդրի լուծման տարբերակներից մեկը տեսնում է այն բանի մեջ, որ փողը մասհանվի քաղաքական ոլորտից:
«Մենք, միաժամանակ, պետք է վերսկսենք զրույցը մարդ արարածի էության մասին»,- նշում է նա և շեշտում որ իր իդեալիզմը զարմանալի չէ, քանի որ հասկացել է, որ մարդիկ ինչ-որ բան ձեռք բերելու իրենց ձգտումներով գոյություն են ունեցել նախնադարից, այն ժամանակներից, երբ մի մարդը մյուսի մասին մտածում էր. «Իսկ ինչու՞ հարևանիս քարանձավն ավելի մեծ է, քան իմը»:
Նա նշում է, որ կա այնպիսի կարծիք, որ նախանձն ու կուտակելու կիրքը մարդկային բնույթի մաս են, որը սկսել է ձևավորվել դեռ մինչև փողի ի հայտ գալը:
«Բայց ինչու ենք մենք կարծում, որ մարդը չի կարող փոխվել»,- հարցնում է Սթրիփը...
ԾԱՆՈԹՈՒԹՅՈՒՆ: Մերիլ Սթրիփի մասնակցությամբ վերջին ֆիլմը, որի պրեմիերան կայացել է Վենետիկի 76-րդ միջազգային կինոփառատոնում Սթիվեն Սոդբերգի «Լվացքատուն» սերիալն է, որն անդրադառնում է Ֆինանսական աշխարհի մութ կողմերին:
Կինոնկարի հիմքում ընկած է «Պանամայի գործ» անունն ստացած պատմությունը, որը նկարագրված է Ջեք Բերնսթայնի «Գաղտնիության աշխարհ: Համշխարհային էլիտայի անօրինական փողային ցանցերի Պանամայի քննությունը» գրքում, որը հեղինակին բերեց Պուլիտցերյան մրցանակ:
Մերիլ Սթրիփի հերոսուհին՝ Էլլեն Մարթինը, ամուսնու զոհվելուց հետո, դեմ հանդիման բախվում է օֆշորային հաշիվների, կապիտալի, միլիարդանոց շրջանառություններով, փոխառությունների ու վարկերի մերօրյա աշխարհին: