Լենինի թանգարանը շուտով դուրս կգա վիրտուալ տարածք04.22.2020
Ռուսաստանի պատմության պետական թանգարանում գործնական քայլեր են իրականացվում համացանցային տիրույթում Լենինի վիրտուալ թանգարանը բացելու ուղղությամբ: Ցուցադրանքը, որտեղ ընդլայնված բացատրություններով կներկայացվեն 200-ից ոչ պակաս իրեր, նախատեսվում է գործարկել 2020թ.-ի նոյեմբերի 7-ին (Հոկտեմբերյան հեղափոխության օրը): Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:
ԽՍՀՄ տարիներին գլխավորը համարվող Լենինի թանգարանը փակվել է 1993թ.-ին: Սակայն հաստատությունում պահպանել են խորհրդային տարիների ընթացքում հավաքված բոլոր նյութերը և առարկաները, որոնք այս կամ այն կերպ առնչվում են 1917թ.-ի ռուսական հեղափոխության առաջնորդի անվան հետ: Հիմա այդ թանգարանը ընդգրկվել է Ռուսաստանի պատմության պետական թանգարանի կառուցվածքում:
Ասենք, որ Լենինի թանգարանի ֆոնդերում պահվում է 99 հազար թանգարանային միավոր: Դրանք Լենինի անձնական իրերն են, տարբեր մարդկանց ու կազմակերպություններից նրան արված նվերներ, կան նյութեր, որոնք վերաբերում են նրա ընտանիքին ու Խորհրդային պետությունը նրա հետ ստեղծած տարբեր զինակիցներին: Ֆոնդերում պահպանվում են նաև գեղանկարներ, քանդակներ, լուսանկարներ, նամականիշեր, տարբեր ժամանակների թողարկված դրամներ և այլն:
Թանգարանում կան նաև մինչև այժմ գիտական կամ տեղեկատվական շրջանառությունից դուրս մնացած կամ քիչ ուսումնասիրված նյութեր, որոնք առնչվում են խորհրդային մյուս հայտնի առաջնորդին՝ Ստալինին: Դրանց մեջ կան նաև այնպիսիք, որոնք «անհատի պաշտամունքի» բացահայտումների օրերին համարվել են ոչնչացված, սակայն, իրականում, այսօր պահպանվում են այս թանգարանի ֆոնդերում:
Նշենք, որ թանգարանում բարձր են գնահատում նաև 1910-1980թթ.-երի ընթացքում նկարիչների, քանդակագործների մի քանի սերունդների կողմից վրձնած լենինապատման կտավների հավաքածոն:
Ռուսաստանի պատմության պետական թանգարանում գործնական քայլեր են իրականացվում համացանցային տիրույթում Լենինի վիրտուալ թանգարանը բացելու ուղղությամբ: Ցուցադրանքը, որտեղ ընդլայնված բացատրություններով կներկայացվեն 200-ից ոչ պակաս իրեր, նախատեսվում է գործարկել 2020թ.-ի նոյեմբերի 7-ին (Հոկտեմբերյան հեղափոխության օրը): Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:
ԽՍՀՄ տարիներին գլխավորը համարվող Լենինի թանգարանը փակվել է 1993թ.-ին: Սակայն հաստատությունում պահպանել են խորհրդային տարիների ընթացքում հավաքված բոլոր նյութերը և առարկաները, որոնք այս կամ այն կերպ առնչվում են 1917թ.-ի ռուսական հեղափոխության առաջնորդի անվան հետ: Հիմա այդ թանգարանը ընդգրկվել է Ռուսաստանի պատմության պետական թանգարանի կառուցվածքում:
Ասենք, որ Լենինի թանգարանի ֆոնդերում պահվում է 99 հազար թանգարանային միավոր: Դրանք Լենինի անձնական իրերն են, տարբեր մարդկանց ու կազմակերպություններից նրան արված նվերներ, կան նյութեր, որոնք վերաբերում են նրա ընտանիքին ու Խորհրդային պետությունը նրա հետ ստեղծած տարբեր զինակիցներին: Ֆոնդերում պահպանվում են նաև գեղանկարներ, քանդակներ, լուսանկարներ, նամականիշեր, տարբեր ժամանակների թողարկված դրամներ և այլն:
Թանգարանում կան նաև մինչև այժմ գիտական կամ տեղեկատվական շրջանառությունից դուրս մնացած կամ քիչ ուսումնասիրված նյութեր, որոնք առնչվում են խորհրդային մյուս հայտնի առաջնորդին՝ Ստալինին: Դրանց մեջ կան նաև այնպիսիք, որոնք «անհատի պաշտամունքի» բացահայտումների օրերին համարվել են ոչնչացված, սակայն, իրականում, այսօր պահպանվում են այս թանգարանի ֆոնդերում:
Նշենք, որ թանգարանում բարձր են գնահատում նաև 1910-1980թթ.-երի ընթացքում նկարիչների, քանդակագործների մի քանի սերունդների կողմից վրձնած լենինապատման կտավների հավաքածոն: