Կինոփառատոն, որտեղ կփորձեն վերիմաստավորել ռեժիսորի փորձը04.23.2019
Կաննի 72-րդ միջազգային կինփառատոնի մրցութային ծրագրում այս տարի ընդգրկվել է 19 ֆիլմ: Այդ մասին տեղեկացնում է «ru.euronews.com»-ն:
Թեև սա պաշտոնապես հայտարարված թիվ է, սակայն մրցույթի կազմակերպիչները չեն բացառում, որ ցուցակը կարող է նաև լրացվել նոր կինոնկարներով: Մասնավորապես այդ հնարավորությունը կարող է տրվել Քվենթին Տարանտինոյի «Մի անգամ Հոլլիվուդում» ժապավենին, որը պատմում է արագ փոփոխվող կինոարդյունաբերության մասին: Այս ֆիլմում գլխավոր դերերում հանդես են գալիս հոլլիվուդյան գերաստղեր Լեոնարդո դի Կապրիոն և Բրեդ Փիթը:
Նախատեսված է, որ փառատոնը կբացվի Ջիմ Ջերմուշի «Մահացածները չեն մահանում» կինոնկարով: Սա կատակերգություն է զոմբիների մասին:
Մրցութային ցուցակում ընդգրկված 19 ֆիլմերից 6-ի հեղինակները կին ռեժիսորներ են: Մասնակիցների մեջ գերակշռում են եվրոպացի կինոարտադրողները: Եվրոպացի հայտնիներից Կաննում իր նոր աշխատանքով հանդես է գալիս, օրինակ, Պեդրո Ալմադովարը՝ իր «Ցավ և փառք» դրամայով: Կինոժապավենը ռեժիսորի սեփական կյանքի վերիմաստավորման փորձ է՝ թե որպես մասնագետ և թե որպես մարդ: Գլխավոր դերերում հանդես են գալիս համաշխարհային կինոյի երկու գերաստղեր՝ Պենելոպա Կրուզը և Անտոնիո Բանդերասը:
Կանն 72-րդում կներկայացվեն նաև Ասիական կինոյի վարպետներ: Այս առումով հետաքրքիր հանդիպում է ակնկալվում հարավկորեացի ռեժիսոր Փոն Ջուն Հոի հետ: Նրա նոր աշխատանքը վերնագրված է «Պարազիտներ» և ներկայացնում է գործազուրկ մի ընտանիքի կյանք, որը փորձում է հարստություն ձեռք գցել մի սիրահար զույգի հաշվին:
Կաննի փառատոնը այս տարի ևս աչքի է ընկնում ժանրերի բազմազանությամբ: Մրցույթից դուրս կցուցադրվեն նաև կենսագրական ժապավեններ, որոնց մեջ են նաև «Դիեգո Մարադոնա» և «Ռոկետմեն» ֆիլմերը: Վերջինս ներկայացնում է երգիչ Էլթոն Ջոնի կյանքը:
Կաննի 72-րդ միջազգային կինոփառատոնը տեղի կունենա մայիսի 14-25-ին: Այն ավանդաբար անցկացվում է նույնանուն քաղաքում, որը շնորհիվ նաև այս մեծ կինոիրադարձության ձկնորսական փոքրիկ գյուղակից վերածվել է միջերկրյածովյան մարգարիտի:
Կաննի 72-րդ միջազգային կինփառատոնի մրցութային ծրագրում այս տարի ընդգրկվել է 19 ֆիլմ: Այդ մասին տեղեկացնում է «ru.euronews.com»-ն:
Թեև սա պաշտոնապես հայտարարված թիվ է, սակայն մրցույթի կազմակերպիչները չեն բացառում, որ ցուցակը կարող է նաև լրացվել նոր կինոնկարներով: Մասնավորապես այդ հնարավորությունը կարող է տրվել Քվենթին Տարանտինոյի «Մի անգամ Հոլլիվուդում» ժապավենին, որը պատմում է արագ փոփոխվող կինոարդյունաբերության մասին: Այս ֆիլմում գլխավոր դերերում հանդես են գալիս հոլլիվուդյան գերաստղեր Լեոնարդո դի Կապրիոն և Բրեդ Փիթը:
Նախատեսված է, որ փառատոնը կբացվի Ջիմ Ջերմուշի «Մահացածները չեն մահանում» կինոնկարով: Սա կատակերգություն է զոմբիների մասին:
Մրցութային ցուցակում ընդգրկված 19 ֆիլմերից 6-ի հեղինակները կին ռեժիսորներ են: Մասնակիցների մեջ գերակշռում են եվրոպացի կինոարտադրողները: Եվրոպացի հայտնիներից Կաննում իր նոր աշխատանքով հանդես է գալիս, օրինակ, Պեդրո Ալմադովարը՝ իր «Ցավ և փառք» դրամայով: Կինոժապավենը ռեժիսորի սեփական կյանքի վերիմաստավորման փորձ է՝ թե որպես մասնագետ և թե որպես մարդ: Գլխավոր դերերում հանդես են գալիս համաշխարհային կինոյի երկու գերաստղեր՝ Պենելոպա Կրուզը և Անտոնիո Բանդերասը:
Կանն 72-րդում կներկայացվեն նաև Ասիական կինոյի վարպետներ: Այս առումով հետաքրքիր հանդիպում է ակնկալվում հարավկորեացի ռեժիսոր Փոն Ջուն Հոի հետ: Նրա նոր աշխատանքը վերնագրված է «Պարազիտներ» և ներկայացնում է գործազուրկ մի ընտանիքի կյանք, որը փորձում է հարստություն ձեռք գցել մի սիրահար զույգի հաշվին:
Կաննի փառատոնը այս տարի ևս աչքի է ընկնում ժանրերի բազմազանությամբ: Մրցույթից դուրս կցուցադրվեն նաև կենսագրական ժապավեններ, որոնց մեջ են նաև «Դիեգո Մարադոնա» և «Ռոկետմեն» ֆիլմերը: Վերջինս ներկայացնում է երգիչ Էլթոն Ջոնի կյանքը:
Կաննի 72-րդ միջազգային կինոփառատոնը տեղի կունենա մայիսի 14-25-ին: Այն ավանդաբար անցկացվում է նույնանուն քաղաքում, որը շնորհիվ նաև այս մեծ կինոիրադարձության ձկնորսական փոքրիկ գյուղակից վերածվել է միջերկրյածովյան մարգարիտի: