«Օգոստոսյան պուտչ» ռուսական թատրոնում09.01.2023
Ռուսաստանցի թատերական գործիչների միջավայրում այս օրերին մեծ աղմուկ է առաջացրել «Ոսկե դիմակ» համառուսաստանյան թատերական մրցանակաբաշխությունից և փառատոնից անջատվելու և նույնանման նոր միջոցառում ձևավորելու վերաբերյալ նախաձեռնությունը։ Ոլորտի ներկայացուցիչները հանդես են գալիս դժգոհություն և զարմանք արտահայտող կարծիքներով և պարզաբանումներ են պահանջում ՌԹԳՄ֊ի նախագահ Ալեքսանդր Կալյագինից։
Նախօրեին, օրինակ սոցիալական ցանցում հրապարակված բաց նամակով Կալյագինին են դիմել հայտնի թատերական գործիչներ Կամա Գինկասը և Գենրիետա Յանովսկայան։
«Ի՞նչ է քեզ պատահել,֊ հարցնում են նամակի հեղինակները։ Դու այդքան մեծ արտիստ և խելացի մարդ։ Դու ողջ կյանքդ թատրոնում աշխատող, և թատրոնի դե՞մ։ Ինչպե՞ս կարողացար նման բան անել։ Ինչպե՞ս կարող էր քո գլխում նման բան ծագել։ Եվ եթե ինչ֊որ մեկը դրդել է, ապա ինչպե՞ս կարելի է քանդել այն, ինչը ծնվել է Մ․ Ուլյանովի օրոք, աճել որպես ներթատերական , հասարակական երևույթ»։
Նամակի հեղինակները զարմանք են արտահայտում, որ այդ գործին միջամտում է ՌԴ մշակույթի նախարարությունը, որը տալիս է կոչումներ և շքանշաններ։ Նրանք ընդգծում են, որ Ռուսաստանի թատերական գործիչների միությունը ներհասարակական կազմակերպություն է և նրան ծառայած շատ թատերական գործիչների շնորհիվ այնպես ամրացավ, որ ռուսական թատրոնը «դարձավ մեգապոլիսների թատրոն և հնարավորություններ ստեղծվեցին որպեսզի թատրոններ ծնվեն նաև տարածաշրջաններում։
Հեղինակները նամակում քննության են առնում Կալյագինի ղեկավարած միության նախաձեռնած նոր «Ոսկե դիմակ»֊ի անվանակարգերի աղքատացած ցանկը և իրենց անհամաձայնությունն արտահայտում «Երկրորդ պլանի դերասան», լույսի ձևավորման և էլի մի շարք անվանակարգերից հրաժարվելու առաջարկությանը։
«Արդեն 50, եթե ոչ ավելի տարի է, որ համաշխարհային թատրոնը թատրոն է ոչ միայն դերասանի, այլև ամեն տեսակի տեխնալոգիաների համար»,֊ նշել են նամակի հեղինակները։ Յուրաքանչյուրը, ով աշխատում է բեմադրության մեջ պարտադիր իրեն պետք է զգա ԱՐՎԵՍՏԻ մաս, ընդգծել են նրանք։
Եվ վերջապես, բաց նամակի հեղինակները զարմացած են, որ Կալյագինի նոր «Ոսկե դիմակ» մրցանակաբաշխության անվանակարգերում չկա նաև կոմպոզիտորի և դրամատուրգի աշխատանքը նշանավորող անվանակարգ։
«․․․ Իսկ որտե՞ղ է անհետացել ԴՐԱՄԱՏՈՒՐԳԸ։ Քեզ ի՞նչ է պատահել,֊ հարցնում են նամակի հեղինակները Կալյագինին։ ֊ Անգամ ծիծաղելի է ասել, ամեն ինչ սկսվում է նրանից՝ դրամատուրգից։ Դու չէ, որ պետք է չիմանաս, որ ժամանակակից թատրոնը ծնվել է դրա֊մա֊տուրգ Ա․ Պ․ Չեխովից»։
Վերջում նամակի հեինակները Ալեքսանդր Կալյագինին սթափվելու կոչ են անում։
Ի դեպ, մեկ այլ բաց նամակի հեղինակ, դերասան Միխայիլ Բիչկովը «Ոսկե դիմակի» պլանավորվող ձևափոխումը անվանել է «օգոստոսյան դավադրություն» («Օգոստոսյան պուտչ») և կոչ է արել պատասխանատվության ենթարկել այն նախաձեռնողներին:
Լուսանկարն՝ ըստ` «oteatre.info»-ի
Այս թեմայով այլ հղումներ-1
Նախօրեին, օրինակ սոցիալական ցանցում հրապարակված բաց նամակով Կալյագինին են դիմել հայտնի թատերական գործիչներ Կամա Գինկասը և Գենրիետա Յանովսկայան։
«Ի՞նչ է քեզ պատահել,֊ հարցնում են նամակի հեղինակները։ Դու այդքան մեծ արտիստ և խելացի մարդ։ Դու ողջ կյանքդ թատրոնում աշխատող, և թատրոնի դե՞մ։ Ինչպե՞ս կարողացար նման բան անել։ Ինչպե՞ս կարող էր քո գլխում նման բան ծագել։ Եվ եթե ինչ֊որ մեկը դրդել է, ապա ինչպե՞ս կարելի է քանդել այն, ինչը ծնվել է Մ․ Ուլյանովի օրոք, աճել որպես ներթատերական , հասարակական երևույթ»։
Նամակի հեղինակները զարմանք են արտահայտում, որ այդ գործին միջամտում է ՌԴ մշակույթի նախարարությունը, որը տալիս է կոչումներ և շքանշաններ։ Նրանք ընդգծում են, որ Ռուսաստանի թատերական գործիչների միությունը ներհասարակական կազմակերպություն է և նրան ծառայած շատ թատերական գործիչների շնորհիվ այնպես ամրացավ, որ ռուսական թատրոնը «դարձավ մեգապոլիսների թատրոն և հնարավորություններ ստեղծվեցին որպեսզի թատրոններ ծնվեն նաև տարածաշրջաններում։
Հեղինակները նամակում քննության են առնում Կալյագինի ղեկավարած միության նախաձեռնած նոր «Ոսկե դիմակ»֊ի անվանակարգերի աղքատացած ցանկը և իրենց անհամաձայնությունն արտահայտում «Երկրորդ պլանի դերասան», լույսի ձևավորման և էլի մի շարք անվանակարգերից հրաժարվելու առաջարկությանը։
«Արդեն 50, եթե ոչ ավելի տարի է, որ համաշխարհային թատրոնը թատրոն է ոչ միայն դերասանի, այլև ամեն տեսակի տեխնալոգիաների համար»,֊ նշել են նամակի հեղինակները։ Յուրաքանչյուրը, ով աշխատում է բեմադրության մեջ պարտադիր իրեն պետք է զգա ԱՐՎԵՍՏԻ մաս, ընդգծել են նրանք։
Եվ վերջապես, բաց նամակի հեղինակները զարմացած են, որ Կալյագինի նոր «Ոսկե դիմակ» մրցանակաբաշխության անվանակարգերում չկա նաև կոմպոզիտորի և դրամատուրգի աշխատանքը նշանավորող անվանակարգ։
«․․․ Իսկ որտե՞ղ է անհետացել ԴՐԱՄԱՏՈՒՐԳԸ։ Քեզ ի՞նչ է պատահել,֊ հարցնում են նամակի հեղինակները Կալյագինին։ ֊ Անգամ ծիծաղելի է ասել, ամեն ինչ սկսվում է նրանից՝ դրամատուրգից։ Դու չէ, որ պետք է չիմանաս, որ ժամանակակից թատրոնը ծնվել է դրա֊մա֊տուրգ Ա․ Պ․ Չեխովից»։
Վերջում նամակի հեինակները Ալեքսանդր Կալյագինին սթափվելու կոչ են անում։
Ի դեպ, մեկ այլ բաց նամակի հեղինակ, դերասան Միխայիլ Բիչկովը «Ոսկե դիմակի» պլանավորվող ձևափոխումը անվանել է «օգոստոսյան դավադրություն» («Օգոստոսյան պուտչ») և կոչ է արել պատասխանատվության ենթարկել այն նախաձեռնողներին:
Լուսանկարն՝ ըստ` «oteatre.info»-ի
Այս թեմայով այլ հղումներ-1