Արդեն 200 տարի է, որ ետ է պահանջում Էլջինի մարմարները06.29.2018
Հունաստանի վարչապետ Ալեքսիս Ցիփրասը, որը նախօրեին իր առաջին բանակցություններն է անցկացրել Մեծ Բրիտանիայի կառավարության ղեկավար Թերեզա Մեյի հետ, լրագրողներին տեղեկացրել է, որ ինքը բրիտանական վարչապետից ետ է պահանջել Պարթենոնի այն մարմարե քանդակները, որոնք 19-րդ դարում Աթենքի Ակրոպոլիսից անօրինականորեն տարվել են Լոնդոն: Այդ մասին տեղեկացնում է «taglur.am»-ը՝ հղում անելով «newsru.com»-ին
«Այդ մարմարները («Էլջինի» մարմարները-խմբ.) պատկանում են համաշխարհային մշակութային ժառանգությանը, սակայն նրանց իսկական տեղը Պարթենոնում է: Այնտեղ, որտեղ դրանք ստեղծվել են»,- ասել է Ալեքսիս Ցիփրասը:
Աթենքը, արդեն 200 տարի է, որ Լոնդոնից ետ է պահանջում Էլջինի մարմարները:
Ժամանակակից պատմության մեջ այդ հիմնախնդիրն առաջին անգամ միջազգային մակարդակով 1982թ.-ին բարձրացրել է արտիստուհի, Հունաստանի նախկին մշակույթի նախարար Մելինա Մերկուրին: Իսկ 2009թ.-ին, Ակրոպոլիսի թանգարանին հարակից 20 հազար քառակուսի մետր ընդհանուր մակերեսով թանգարանային սրահների բացումից հետո, խնդիրը վեր բարձրացվեց նոր ուժով:
2014թ.-ին Հունաստանը սկսեց գործընթաց Հունաստանից անօրինական դուրս տարված և Բրիտանական թանգարանում մինչև այսօր էլ ցուցադրվող մարմարե քանդակները վերադարձնելու նպատակով: Այդ գործի մեջ ներքաշվեցին միջազգային հանրությունը, UNESCO-ն և իրավաբաններ: Գործընթացը ստացավ «Return, Restore, Restart» («Վերադարձնել, վրատեղադրել, վերականգնել») նշանաբանը:
Սակայն բրիտանական կողմը հրաժարվում է ընդառաջ գնալ Հունաստանին:
«Մենք գիտենք բրիտանական դիրքորոշումը, բայց գլխավորն այն է, որ մեր փորձերը շարունակվում են: Ժամանակի ընթացքում մենք կգտնենք Հունական արդար դիրքորոշման ավելի շատ կողմնակիցների»,- հայտարարել է Ալեքսիս Ցիփրասը:
Հին հունական արվեստի ստեղծագործությունները այդ երկրից դուրս են տարվել 10 տարվա ընթացքում (1802-1812թթ.): Այդ անօրինական գործարքի նախաձեռնողը եղել է Օսմանյան Թուրքիայում անգլիական դեսպան, լորդ Էլջինը, որը թույլտվություն է ստացել Ակրոպոլիսից վերցնել « գրություններով և կերպարներով մի քանի քարակտոր»: Այդ թույլտվությունը նա ստացել է թուրքական կայսրությունից, որն այդ ժամանակ դեռ իշխում էր Հելլադայի վրա:
Միայն 1802թ.-ին, լորդ Էլջինը Անգլիա է ուղարկել 12 քանդակ, զարդաքանդակված մարմարե սալաքարեր և Պարթենոնի ճակատամասը զարդարող այլ բեկորներ:: Ակրոպոլիսի մարմարյա արժեքների դուրսբերման ողջ պատմությունը շատ լավ փաստաթղթավորված է:
Այսօր Լոնդոնում է գտնվում Պարթենոնը զարդարող քանդակագործական աշխատանքների 50 տոկոսը:
Մեծ Բրիտանիան պնդում է, որ մարմարե գլուխգործոցների տեղափոխությունն իրականացվել է այն ժամանակների իրավական նորմերին համապատասխան և դրանք Բրիտանական թանգարանում պահվում են լիովին անվտանգ պայմաններում և բաց են բոլոր անվճար այցելել ցանկացողների համար:
Այս թեմայով այլ հղումներ-1
«Այդ մարմարները («Էլջինի» մարմարները-խմբ.) պատկանում են համաշխարհային մշակութային ժառանգությանը, սակայն նրանց իսկական տեղը Պարթենոնում է: Այնտեղ, որտեղ դրանք ստեղծվել են»,- ասել է Ալեքսիս Ցիփրասը:
Աթենքը, արդեն 200 տարի է, որ Լոնդոնից ետ է պահանջում Էլջինի մարմարները:
Ժամանակակից պատմության մեջ այդ հիմնախնդիրն առաջին անգամ միջազգային մակարդակով 1982թ.-ին բարձրացրել է արտիստուհի, Հունաստանի նախկին մշակույթի նախարար Մելինա Մերկուրին: Իսկ 2009թ.-ին, Ակրոպոլիսի թանգարանին հարակից 20 հազար քառակուսի մետր ընդհանուր մակերեսով թանգարանային սրահների բացումից հետո, խնդիրը վեր բարձրացվեց նոր ուժով:
2014թ.-ին Հունաստանը սկսեց գործընթաց Հունաստանից անօրինական դուրս տարված և Բրիտանական թանգարանում մինչև այսօր էլ ցուցադրվող մարմարե քանդակները վերադարձնելու նպատակով: Այդ գործի մեջ ներքաշվեցին միջազգային հանրությունը, UNESCO-ն և իրավաբաններ: Գործընթացը ստացավ «Return, Restore, Restart» («Վերադարձնել, վրատեղադրել, վերականգնել») նշանաբանը:
Սակայն բրիտանական կողմը հրաժարվում է ընդառաջ գնալ Հունաստանին:
«Մենք գիտենք բրիտանական դիրքորոշումը, բայց գլխավորն այն է, որ մեր փորձերը շարունակվում են: Ժամանակի ընթացքում մենք կգտնենք Հունական արդար դիրքորոշման ավելի շատ կողմնակիցների»,- հայտարարել է Ալեքսիս Ցիփրասը:
Հին հունական արվեստի ստեղծագործությունները այդ երկրից դուրս են տարվել 10 տարվա ընթացքում (1802-1812թթ.): Այդ անօրինական գործարքի նախաձեռնողը եղել է Օսմանյան Թուրքիայում անգլիական դեսպան, լորդ Էլջինը, որը թույլտվություն է ստացել Ակրոպոլիսից վերցնել « գրություններով և կերպարներով մի քանի քարակտոր»: Այդ թույլտվությունը նա ստացել է թուրքական կայսրությունից, որն այդ ժամանակ դեռ իշխում էր Հելլադայի վրա:
Միայն 1802թ.-ին, լորդ Էլջինը Անգլիա է ուղարկել 12 քանդակ, զարդաքանդակված մարմարե սալաքարեր և Պարթենոնի ճակատամասը զարդարող այլ բեկորներ:: Ակրոպոլիսի մարմարյա արժեքների դուրսբերման ողջ պատմությունը շատ լավ փաստաթղթավորված է:
Այսօր Լոնդոնում է գտնվում Պարթենոնը զարդարող քանդակագործական աշխատանքների 50 տոկոսը:
Մեծ Բրիտանիան պնդում է, որ մարմարե գլուխգործոցների տեղափոխությունն իրականացվել է այն ժամանակների իրավական նորմերին համապատասխան և դրանք Բրիտանական թանգարանում պահվում են լիովին անվտանգ պայմաններում և բաց են բոլոր անվճար այցելել ցանկացողների համար:
Այս թեմայով այլ հղումներ-1