Քաղաքակրթական ներուժը կեցության բարձրագույն արժեք է:

Լրագրողը պահանջել է $ 1մլն.՝ ֆիլմում իրեն վերագրվող արտահայտության դիմաց

11.07.2014


Ամերիկացի լրագրող Փոլ Բրոդյուրը դատական հայց է ներկայացրել «Օսկար» մրցանակաբաշխության 10 անվանակարգերի ներկայացված «Խարդախություն ամերիկյան ձևով» ֆիլմի հեղինակների դեմ, ովքեր իրենց կինոնկարում լրագրողի անունից օգտագործել են մի արտահայտություն, որն իրականում նրանը չի: Այդ մասին հաղորդում է «taglur.am»-ը՝ հղում անելով «РИА Новости»-ին:

Ֆիլմի հերոսուհին, ում մարմնավորում է «Օսկարի» մրցանակակիր Ջենիֆեր Լոուրենսը, իր ռեպլիկներից մեկում խոսելով ուլտրաալիքային վառարաններում սնունդ պատրաստելու մասին, ասում է, որ այդ սարքերը «ոչնչացնում են բոլոր սննդարար նյութերն ուտելիքի մեջ»: «Դա զառանցանք չի, ես այդ մասին կարդացել եմ Փոլ Բրոդյուրի հոդվածում»:

«Independent» պարբերականը տեղեկացնում է, որ իրոք, անցյալ դարի 70-ական թվականներին այդ լրագրողը հոդվածներ է գրել ուլտրաալիքային վառերանների հասցրած ճառագայթային վնասների մասին: Սակայն, դրա հետ մեկտեղ Բրոդյուրը պնդում է, որ ինքն այնպիսի հայտարարություններ չի արել, որոնք հաստատված չեն գիտության կողմից: 83-ամյա լրագրողը պահանջում է մեկ մլն դոլարի փոխհատուցում իր հեղինակությանը հասցրած վնասի համար և, միաժամանակ, հանել իր անունը ֆիլմից: Նրա կարծիքով ֆիլմը իրեն ենթարկել է «ատելության, արհամարանքի, ծաղրի, ստորացման», միաժամանակ կասկածի տակ է դրել գիտության մասին «հոդվածների օժտված հեղինակի» իր համարումը:

Նշենք, որ ֆիլմը նախազգուշացնում է, որ այնտեղ պատկերվածի միայն մի մասն է հիմնված իրական դեպքերի վրա: Սական, այնտեղ բոլոր հերոսների անունները փոփոխված են, բացի Փոլ Բրոդյուրինը:

Ֆիլմը պատմում է Հետաքննությունների դաշնային բյուրոյի կողմից 70-ականներին անցկացրած մի հատուկ գործողության մասին, որի ժամանակ ֆինանսական մեքենայություններ կատարող երկու խարդախներ ստիպված են եղել համագործակցել հատուկ ծառայությունների գործակալի հետ՝ իրենց կաշին փրկելու համար:
    Դիտվել է 1105 անգամ