Քաղաքակրթական ներուժը կեցության բարձրագույն արժեք է:

Կբացվի «ռուսական մշակույթի մաս» հանդիսացող արվեստագետի թատրոնին նվիրված ցուցահանդեսը

12.09.2014


Սանկտ – Պետերբուրգում ընթացող 3-րդ Միջազգային մշակութային ֆորումի շրջանակներում հայտնի նկարիչ Միխայիլ Շեմյակինը այսօր, մի քանի ժամ հետո, իր հիմնադրամի հարթակում կբացի «Արվեստագետը և թատրոնը» ցուցահանդեսը: Այդ մասին հաղորդում է «taglur.am»-ը՝ հղում անելով «teatral-online.ru»-ին:

Այս մասշտաբային ցուցահանդեսի նախագիծը ներկայացնում է Շեմյակինի ստեղծագործության թատերական այլընտրանքը և կծանոթացնի նրա կատարած աշխատանքներին՝ «Շչելկունչիկ», «Կախարդական ընկույզ», «Մետաֆիզիկական բալետ», «Կոպպելիա» բալետների բեմադրություններում:

Էսքիզները, դիմակները, կոստյումները, և բուտաֆորիան, որոնք արվեստագետը պատրաստել է Մարինյան թատրոնի, ինչպես նաև Վիլնյուսի և Սոֆիայի օպերայի և բալետի թատրոնների համար, ոչ միայն կներկայանան իրենց գեղեցկությամբ, այլև այցելուներին հնարավորություն կընձեռեն խորամուխ լինել ներկայացումների բեմադրական աշխատանքների շատ նրբությունների մեջ:

Յուրաքանչյուր էսքիզ մի ավարտուն կերպար է, որը պատկերացում է տալիս բեմադրության այս կամ այն մասնակցի մասին, ներկայացնում նրա բնավորությունը, ի հայտ բերում նրա շարժումների պլաստիկան, տեսանելի դարձնում նրա ծնունդը:

Թատրոնն իր գրոտեսքային այլակարծություններով և հաճախ անսպասելի ընթերցումներով ներթափանցող է նաև Միխայիլ Շեմյակինի հաստոցային ստեղծագործությունների մեջ, որոնք ցուցադրանքում կներկայացվեն «Սանկտ-Պետերբուրգի դիմակահանդեսը» շարքով:

Նկարիչ և քանդակագործ Միխայիլ Շեմյակինը կարծում է, որ ինքը հանդիսանում է ռուսական մշակույթի մաս: Սակայն, ինչպես ինքն է գրում իր մասին երրորդ դեմքով «snob.ru»-ում. «Բայց նա չի ցանկանում և չի պատրաստվում ապրել ժամանակակից Ռուսաստանում»: Նա նշում է, որ 30 տարի առաջ, երբ իր ֆանտասմագորիկ ստեղծագործությունները ճանաչում ստացան «անդերգրաունդյան շրջանակներում», իրեն արտաքսեցին ԽՍՀՄ-ից:

Շեմյակինը համաշխարհային համբավ ստացավ Փարիզում, ապա ստացավ ամերիկյան քաղաքացիություն, թեև այժմ ապրում է ֆրանսիական գավառում:

ԽՍՀՄ-ի փլզումից հետո նա կրկին սկսեց աշխատել հայրենիքում:
    Դիտվել է 373 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234