Քաղաքակրթական ներուժը կեցության բարձրագույն արժեք է:

Ըստ Տ. Դանիելյանցի, այդ տանը Փարաջանովը կապրեր, բայց ապրել է Պազինետտին

03.07.2015


Մոսկվայում, ճարտարապետության թանգարանում բացվել է «Վենետիկի ընծաները՝ Սերգեյ Փարաջանովին» ցուցահանդեսը: Այդ մասին հաղորդում է «taglur.am»-ը՝ հղում անելով «tvkultura.ru»-ին:

Հանճարեղ կինոռեժիսորը հաճախ էր ասում, որ այդ իտալական քաղաքն իրեն հոգեպես շատ մոտ է: 1977 թ.-ին նրա ֆիլմերը, որպես հատուկ նախագիծ ներկայացվեցին Վենետիկի բիենալեում: Մոսկվայում բացված այսօրվա ցուցահանդեսի հեղինակ Տատյանա Դանելյանցը հատուկ ուշադրություն է հատկացնում այն բանին, որ նյութերը, որոնք իր ստեղծագործության մեջ սիրում էր օգտագործել ռեժիսորը, կարելի Վենետիկի համար տիպական և պատմականորեն բնութագրական համարել:

Տատյանա Դանիելյանցի այս նախագիծն առաջին անգամ ցուցադրվել է 2014 թ.-ի սեպտեմբերին՝ Երևանի ժամանակակից արվեստի թանգարանում: Մոսկվայում այն ներկայացվում է առանց փոփոխության և նույն ձևաչափով՝ «Երեքը մեկի մեջ», այսինքն երկու ցուցահանդես և մեկ կինոնկար: Ըստ ցուցահանդեսի հեղինակի դրանք անբաժանելիորեն կապված են միմյանց, անցնում են մեկը մյուսի միջով, կազմում են մեկ ամբողջություն՝ վերածվելով հեղինակի գեղարվեստական արտահայտության:

Զբոսնելով վենետիկում և մտորելով Փարաջանովի ճակատագրի մասին, Դանիելյանցը գտել է նաև շատ ընդհանրություններ երկու երկրների միջև:

«Վենետիկի մշակույթը դիտողական է՝ նրա ամենաուժեղ կողմերից մեկը դիտողականն է, ճարտարապետականը և երաժշտականը: Նույնը կարող ենք ասել նաև Հայաստանի մասին»,- ասում է Տատյանա Դանիելյանցը:

Առաջին ցուցահանդեսում ներկայացված են Տատյանա Դանիելյանցի ստեղծած կոլաժները, որոնցում նա օգտագործել է մուրանյան ապակի, վենետիկյան արհեստանոցներում թողարկված գործվածքներ: Երկրորդ ցուցադրանքի հիմքը կազմում են լուսանկարները, որոնք հեղինակը կատարել է Վենետիկում: Այդ լուսանկարները նույնպես զարդարված են մուրաններով և պլաստիկի փշուրներով: Դանիելյանցն այս նախագծի վրա աշխատել է մի քանի տարի; «Վենետիկի ընծաները» ընծաներ են Սերգեյ Փարաջանովին:

«Ես մտաեցի, որ նրա համար պետք է ժեստ անել: Ինչ կարող էի ես անել Փարաջանովի համար: Ես կարող եմ հորինել երևակայական աշխարհ, որի մեջ նա իրեն հարմարավետ կզգա: Եվ Վենետիկը այդ բանին արձագանքեց: Ես մտա սրճարան և տեսա այս կոլաժը: Սա ախր, Փիրոսմանի է: Ես անցնում էի շենքի կողքով ու մտածում, որ այդ տանը Փարաջանովը կապրեր: Իսկ երբ երևակեցի ժապավենը, պարզեցի, որ այդ տանը ապրել է Պազինետտին՝ վենետիկյան սինեմատիկայի հիմնադիրը, որտեղ առաջին անգամ ցուցադրվել է Փարաջանովը»,- ասել է Տատյանա Դանիելյանցը:

Դանիելյանցի նկարահանած 25 րոպե տևողությամբ ֆիլմում երկու գլխավոր հերոս կա: Հայկական սփյուռքի ներկայացուցիչը, ում հետ Փարաջնովը ծանոթ է եղել մոտ երկու ժամ և ռեժիսորի բարեկամ հայր Լևոնը, ով ծառայում է Վենետիկի հայկական եկեղեցում:

Ֆիլմում այդ երկուսի հիշողություններն են Փարաջանովի գեղագիտության մասին:

Մոսկվայի ցուցահանդեսից հետո Տատյանա Դանիելյանցը պլանավորել է իր նախագիծը ներկայացնել Սանկտ-Պետերբուրգում, Վենատիկում և Փարաջանովի ծննդավայրում՝ Թբիլիսիում:
    Դիտվել է 247 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ