Քաղաքակրթական ներուժը կեցության բարձրագույն արժեք է:

Վերջ են տվել մտագարային բնազդներին` ամերիկյան ֆիլմը վարձույթից հանելով

«Ցենտրալ Պարտներշիպ» ընկերությունը, որը Ռուսաստանում զբաղվում է ամերիկյան «Թիվ 44» ֆիլմի վարձույթով, ետ է կանչել այդ երկրի կինոթատրոններում ցուցադրվելիք կինոժապավենները: Ընկերությունն այդ քայլը կատարել է ՌԴ մշակույթի նախարարության խնդրանքով: Այդ մասին հաղորդում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Ռուսական կինոշուկայում այդ ֆիլմին վարձույթի իրավունք ընձեռող վկայականը ետ վերցնելու պատճառները նախարարությունը սկզբում չի մեկնաբանել, սակայն, որոշ ժամանակ անց այդ գերատեսչության մամլո ծառայությունը տարածել է մի հաղորդագրություն, որի համաձայն. «... այնպիսի ֆիլմը, ինչպիսին է «Թիվ 44»-ը, չպետք է ցուցադրվի մեր երկրում մասսայական վարձույթով, ոչ Հաղթանակի 70-ամյակի տարում, և ոչ էլ մեկ այլ ժամանակ»:

Մամլո ծառայության փոխանցմամբ նախարար Մեդինսկին ընդգծել է, որ կինոնկարում ցուցադրված է «ոչ թե երկիրը, այլ ֆիզիկական և բարոյական ոչ լիարժեք, ոչ մարդկային Մորդոր՝ կադրում լցված ինչ-որ հրեշներով և դիակներով: Ահա այդպիսի երկրում են տեղի ունենում ֆիլմի իրադարձությունները՝ սկսած 20-րդ դարի 30-ական թվականներից մինչև 50-ականները»:

Նախարարը նաև նշել է, որ այդպես է ներկայացվել «այն երկիրը, որը քիչ ժամանակ առաջ հաղթել էր Մեծ պատերազմում, հավասարվել համաշխարհային առաջատարներին և ահա-ահա առաջին մարդուն պոտք է ուղարկեր տիեզերք»: Նա նաև հստակեցրել է իր մոտեցումը և ավելացրել, որ խոսքը ոչ այնքան կոնկրետ ֆիլմի մասին է, այլ այն բանի, որ ամերիկացի կինեմատոգրաֆիստները կարող են իրենք իրենց մտքերը արտահայտել ինչպես ցանկանան, սակայն դրա հետ «մենք քիչ գործ ունենք»: Նա ասել է, որ սկզբունքայինն այս հարցում այն է, որ «ի վերջո մենք պետք է վերջակետ դնենք մեր իսկ մասին մեր մտագարային բնազդների անվերջանալի շարանին»:
    Դիտվել է 216 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377>>հաջորդ