Քաղաքակրթական ներուժը կեցության բարձրագույն արժեք է:

Բուժման կուրս անցնելուց հետո երգիչը վերադարձել է բեմ

02.18.2016

Ռուսաստանցի հայտնի երգիչ Դմիտրի Խվորոստովսկին, ում ախտորոշել են գլխուղի չարորակ ուռուցք, բուժման կուրս անցնելուց հետո վերադարձել է ակտիվ գործուեության և չորեքշաբթի մեծ հաջողությամբ մենահամերգով հանդես է եկել Նյու-Յորքի Կարնեգի հոլլ համերգասրահում: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Դահլիճը երգիչին դիմավորել է հոտնկայս ծափահարություններով: Իսկ համերգն ավարտվել է «բրավո»-ներով, ծափերով ու ողջույնի սուլոցներով:

Խվորոստովսկու համերգի ծրագիրը կազմված է եղել Գլինկայի, Ռիմսկի-Կորսակովի, Չայկովսկու, Շտրաուսի ստեղծագործություններից:

Դիմելով դահլիճին երգիչն իր երախտագիտությունն է հայտնել «բարի մտքերի և դրական զգացմունքների համար» և ընդգծել, որ ինքն այդ ամենը զգում է: Անդրադառնալով իր ինքնազգացողությանը, Խվորոստովսկին նշել է, որ իրեն զգում է «համեմատաբար ավելի լավ» և սպասում է հանդիսատեսի հետ նոր հանդիպման:
    Դիտվել է 554 անգամ