Քաղաքակրթական ներուժը կեցության բարձրագույն արժեք է:

Ներկայացում՝ նվիրված ծովանկարչի լաբիրինթոս հիշեցնող կյանքին

08.16.2016

Ռուսաստանում նախապատրաստում են ծովանկարիչ Հովհաննես Այվազովսկու 200 ամյակին նվիրված մուլտիմեդիա-ներկայացում, որի պրեմիերան նշանակված է սեպտեմբերի 8-ին՝ Մոսկվայի «Аrtplay» կենտրոնում: Այվազովսկու դերում հանդես կգա ռուսական թատրոնի և կինոյի ճանաչված արտիստ Սերգեյ Գարմաշը:Այդ մասին տեղեկացնում է «taglur.am»-ը՝ հղում անելով «РИА новости»-ին:

Այս ներկայացման ընթացքում հանդիսատեսը ուղղակի «Այվազովսկու» շուրթերից կլսի մեծ ծովանկարչի լաբիրինթոս հիշեցնող կյանքի պատմությունը:

Ներկայացումը իր մեջ ներառում է տարածական մուլտիմեդիա՝ նվիրված Այվազովսկու և այլ ծովանկարիչների գործերին: Այն հարմարեցված է թատերական ներկայացումներին բնորոշ բեմական բարդ դրամատուրգիայի և արդեն հաճախ կիրառվող մուլտիմեդիական ցուցահանդեսների առանձնահատկություններին:

Ներկայացման հիմքում դրվել են Այվազովսկու կենսագրության փաստերը, անձնական նամակները, տարբեր վավերագրեր և ժամանակակիցների հիշողությունները, որոնց բովանդակությունը միահյուսվում է հեռուստատեսային նորությունների ձևաչափով մատուցվող պատմական այն դեպքերին, որոնք տեղի են ունեցել նկարչի կյանքի տարիներին:

Ռուսական ծովանկարչության պատմության մեծագույն ներկայացուցիչ Հովհաննես Այվազովսկու 200 ամյակը այդ երկիրը պատրաստվում է հանդիսավորությամբ նշել 2017թ.-ին:

Հիշեցնենք, որ իր կյանքի օրոք ավելի քան վեցհազար կտավ ստեղծած հանճարեղ նկարչի պատվին Մոսկվայի Տրետյակովյան պատկերասրահը 2016թ.-ի հուլիսին բացել է նրա գործերի ցուցահանդեսը, որն արձանագրել է այցելուների հաճախելիության աննախադեպ բարձր ցուցանիշ:
    Դիտվել է 307 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431>>հաջորդ