Քաղաքակրթական ներուժը կեցության բարձրագույն արժեք է:

Հայտնաբերվել է համաշխարհային կինոյի հիմնադիր Ջորջ Մելյեսի ֆիլմը

10.12.2016


Չեխիայի ազգային կինոարխիվում հայտնաբերվել է կինոյի արշալույսի պիոներներից մեկի Ջորջ Մելյեսի նկարահանած և մինչ այժմ կորած համարվող ֆիլմերից մեկը: Այդ մասին տեղեկացնում է «taglur.am»-ը՝ հղում անելով «theguardian.com»-ին:

Երկու րոպե տևողությամբ ֆիլմը, որն ունի «Աճպարարների մրցույթ» վերնագիրը, ստեղծվել է 1904 թ.-ին: Արխիվի հասարակայնության հետ կապերի պատասխանատու Յանա Ուլիպովան տեղեկացրել է, որ հիմա այդ ժապավենի վերականգնման ուղղությամբ աշխատանքներ են տարվում:

Նա նաև ասել է, որ այն տուփի վրա, որի մեջ գտնվել է այդ վավերագրական ժապավենը, Մելյեսի մեկ այլ կինոնկարի անուն է գրված եղել: «Կարելի է ասել, որ հրաշք է տեղի ունեցել: Սա սենսացիա է առաջին հերթին կինոարվեստի պատմության մասնագետների համար»,- ասել է Ուլիպովան:

Ֆիլմը ցուցադրում է աճպարարի, որը երկու մասի է բաժանում մարդուն, որի կեսերը մրցում են միմյանց հետ, ապա կրկին միաձուլվելով ամբողջական մարդու վերածվում:

Պրահայում գտնվող Ազգային կինոարխիվին այդ ֆիլմը նվիրել է մի անհայտ չեխ կոլլեկցիոներ, ով, սակայն, չի էլ կասկածել, որ դա մշակութային և պատմական մեծ արժեք է:

Փորձագետները հաստատել են, որ կինոժապավենը բնօրինակ է:

Ջորջ Մելյեսը ծնվել է 1861 թ.-ին կոշիկի գործարանատիրոջ ընտանիքում: 1897 թ.-ին նա հիմնադրել է «Star Film» կինոստուդիան և սկսել է զբաղվել կարճամետրաժ ֆիլմերի թողարկմամբ: Նա նկարահանել է իրական իրադարձությունների բեմադրված սյուժեներ («Դրեյֆուսի գործը», «Էդվարդ 7-րդի թագադրումը» և այլն):

1896-1913թթ.-երի միջակայքում նա նկարահանել է, ընդհանուր առմամբ, ավելի քան 500 կինոնկար, որոնց տևողությունը կազմել է 1 րոպեից մինչև 40 վրկ: Այդ կինոնկարներից պահպանվել է 200-ը: Նրա առավել հայտնի կինոնկարներից մեկը կոչվում է «Ճանապարհորդություն դեպի լուսին» (1902թ.), որը համարվում է կինոյի պատմության մեջ առաջին գիտաֆանտաստիկական կինոնկարը:

Ջորջ Մելյեսը մահացել է 1938թ.-ին, 76 տարեկան հասակում: Հուղարկավորված է Փարիզի Պեր Լաշեզ գերեզմանոցում:
    Դիտվել է 262 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ