Քաղաքակրթական ներուժը կեցության բարձրագույն արժեք է:

Երկրի 41 շրջաններ չունեն պատանի հանդիսատեսների համար նախատեսված թատրոններ

12.09.2016

Վերջին 25 տարվա ընթացքում Ռուսաստանում գրեթե 2 անգամ կրճատվել է մշակութային ժամանցի կենտրոնների թիվը: Միաժամանակ կրճատվում է մշակութային նշանակության նոր կառույցների շինարարության ֆինանսավորումը, մեկ քառորդով կրճատվել է գյուղական ակումբների թիվը, նվազել է նաև հանրության համար մատչելի գրադարանների քանակը: Այդ մասին այսօր կայացած խարհրդարանական լսումների ժամանակ հայտարարել է Ռուսաստանի Դաշնային Խորհրդի նախագահ Վալենտինա Մատվիենկոն:

Նա նաև նշել է, որ այդ բացասական վիճակագրությանը հակառակ երկրում, ընդհանուր առմամբ, ավելացել է տարածաշրջանային թատրոնների թիվը: Բայց, նրա հայտարարության համաձայն, կարելի է ենթադրել, որ նոր թատրոնների թվի ավելացումը Ռուսաստանում կատարվում է անհամաչափ և ունի հատվածային բնույթ, որն արտահայտվում է այն իրողությամբ, որ 41 շրջաններ չունեն պատանի հանդիսատեսների համար նախատեսված թատրոններ, իսկ 6-ում էլ չկան դրամատիկական թատրոններ:

Ըստ Մատվիենկոյի մշակույթի ոլորտում բնակչությանը պատշաճ մակարդակով սպասարկում իրականացնելու համար խնդիրը կարել է լուծել միայն «բարեկեցության ստանդարտ մշակելու» դեպքում, որը «կերաշխավորեր կյանքի մակարդակի միասնական որակ» իրենց քաղաքացիների համար: Ընդ որում Մատվիենկոն շեշտել է, որ մշակութային ենթակառուցվածքները պետք է զարգացնել ոչ թե «օպտիմիզացիայի» միջոցով, այլ ելնելով նորմատիվային անհրաժեշտություններից:

ՌԴ օրենսդիր մարմնի ղեկավարը կարևորել է նաև մշակույթի ոլորտում կրթության կազմակերպման ուղղությամբ իրականացվող աշխատանքները: Նա իրենց երկրի մշակութային կրթահամակարգը բաժանել է 3 մակարդակների՝ 1. Արվեստի մանկական դպրոցներ, 2. Ուսումնարաններ, 3. Ստեղծագործական բուհեր: Մատվիենկոն նշել է, որ մշակութային կրթության առաջին մակարդակը՝ Արվեստի մանկական դպրոցները, աշխարհում անալոգ չունեն, որոնցում սովորելու ցանկություն ունեցող երեխաների թիվը տարեցտարի ավելանում, իսկ դպրոցների թիվը, ընդհակառակը, կրճատվում է:
    Դիտվել է 248 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431>>հաջորդ