Քաղաքակրթական ներուժը կեցության բարձրագույն արժեք է:

Սելֆին որպես սեփական անձը ճանաչելու և նորովի բացահայտելու միջոց

03.31.2017

Այն ժամանակից, երբ բջջային հեռախոսը միացավ լուսանկարչական սարքին, սելֆի անելու մշակույթը տարածվեց ողջ աշխարհում: Լոնդոնի «Սաաթչի» ցուցասրահը որոշել է միավորել Ժամանակակից արվեստը և ինքնանկարի պատմությունը: Այդ նպատակով բացվել է «Սելֆիից մինչև ինքնադրսևորումը» խորագրով մի ցուցահանդես, որտեղ մեծ գեղանկարիչների կտավների կողքին հավասարի պես ներկայացվել են ժամանակակից թվային լուսանկարներ: Այդ մասին «tvkultura.ru» -ի տեղեկատվությունը փոխանցում է «taglur.am»-ը:

«Սելֆին ավելի շուտ պատմում է այն մասին, թե ինչպիսի՞ն ենք մենք ցանկանում մեզ տեսնել աշխարհի առաջ, քան այն, թե ո՞վ ենք մենք իրականում: Սելֆիից է կախված մեր սոցիալական կարգավիճակը, մեր վարկը: Մենք ցանկանում ենք մարդկանց ներկայացնել մեր կյանքի իդիալական վարկածը, ոչ թե մեր իրական եսը, այլ կերպար, որին ուրիշները պետք է հավատան»,- ասել է ցուցասրահի գլխավոր գործադիր տնօրեն Նայջել Հերսթը:

«Սաաթչի»-ի ցուցադրանքը թվայնացնում է պատմությունը և ներկայացուցչական դարձնում վայրկենական արված լուսանկարները: Ռեմբրանդտի, Վելասկեսի և Վան Գոգի ինքնանկարները ներկայացվում են հատուկ հավելվածով էկրաններին, որը հնարավորություն է տալիս , որպեսզի այցելուները «Like»-եր տան նշանավոր վարպետների աշխատանքներին: Դրանց կողքին համաշխարհային համբավ ունեցող արտիստների, քաղաքական գործիչների, մարզիկների լուսանկարներ են:

Մեկ առանձին բաժնով էլ ներկայացված են միջազգային մի մրցույթ ներկացնող լուսանկարներ, որին մասնակցել են ինչպես պրոֆեսիոնալ գեղանկարիչներ և լուսանկարիչներ, այնպես էլ բջջային հեռախոսով լուսանկարող հասարակ օգտատերեր:

Լավագույն լուսանկարները ցույց են տալիս, որ սելֆին ոչ թե պարզապես ժամանցի զբաղմունք է, այլև սեփական անձը ճանաչելու և նորովի բացահայտելու միջոց:

Ասենք, որ ցուցահանդեսը և այցելուները, որպես պրովակացիոն պերֆորմենսի ձև, տեսանկարահանվում են: Այդ նպատակով պերֆորմենսի հեղինակ մեքսիկացի նկարիչ Ռաֆայել Լոսանո-Էմմերը առանձին դահլիճում տեղադրել է 12 նկարահանող սարքեր:

    Դիտվել է 229 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431>>հաջորդ