Քաղաքակրթական ներուժը կեցության բարձրագույն արժեք է:

Կաննի 70-րդ միջազգային փառատոնում հաղթեց շվեդ կինոռեժիսորի ֆիլմը

05.29.2017

Կաննի 70-րդ միջազգային կինոփառատոնում հաղթող է ճանաչվել և գլխավոր մրցանակին «Ոսկե արմավենու ճյուղին» է արժանացել շվեդ ռեժիսոր Ռոբերտ Էսթլունդի «Քառակուսի» սոցիալական երգիծապատումը:

Այս սրամիտ կինոնկարը պատմում է ժամանակակից արվեստի թանգարանի տնօրենի տվայտանքների մասին, որը մտահոգված է
հասարակության տարամետ դիրքորոշումների և միմյանց հասկանալու դժվարությունների համար:

«Ես կարծում եմ, որ այս ֆիլմը մեզ պատմեց միանգամայն ինչ-որ ժամանակակից բանի մասին: Այն քաղաքական կոռեկտության բռնատիրության մասին է: Այդ բռնատիրությունը այնքան սարսափելի է և վախեցնող, որքան ցանկացած մեկ այլ բռնատիրություն: Ռեժիսորն այդ մասին մեզ ցույց է տալիս դրա շատ տարբեր օրինակներով և ուրախալի է, որ այս թեման մատուցվել է սրամտորեն և հումորով»,- ասել է Կանն-2017-ի ժյուրիի նախագահ Պեդրո Ալմադովարը:
    Դիտվել է 574 անգամ