Քաղաքակրթական ներուժը կեցության բարձրագույն արժեք է:

«Մաթիլդայի» պրեմիերան կայացել է ոստիկանների հսկողության ներքո

10.24.2017

Նախօրեին, հոկտեմբերի 23-ին Սանկտ-Պետերբուրգի Մարինյան թատրոնում ուժային կառույցների հատուկ ջոկատների վերահսկողությամբ կայացել է Ալեքսեյ Ուչիտելի աղմկահարույց «Մաթիլդա» ֆիլմի պրեմիերան: Այդ մասին տեղեկացնում են այսօրվա ռուսական լրատվամիջոցները:

«Մենք դիմացանք: Հաղթեցին առողջ մարդիկ»,- այս պրեմիերային ցուցադրության առիթով ասել է Ուչիտելը և անհանգստություն արտահայտել, որ հիմա և այսուհետ մարդիկ «Մաթիլդան« դիտելու կգնան ոչ թե նրա գեղարվեստական արժեքից ելնելով, այլ դրա շուրջ առաջացած աղմուկի պատճառով:

«Բացասական շատ ավելի լայնորեն է ընկալվում, քան դրականը: Բայց համացանցից և մարդկանց հետ ունեցած իմ հանդիպումներից դատելով, մարդկանց ճնշող մեծամասնությունը ցանկանում է այդ ֆիլմը դիտել»,- այնուամենայնիվ լավատեսական է ամփոփել իր խոսքը ռեժիսորը:

Ֆիլմի դիտումից առաջ հանդիսասրահը բուռն ծափահարություններով է դիմավորել ռեժիսորին և նրա նկարահանող խմբի այն անդամներին, որոնք ներկա են եղել պետերբուրգյան պրեմիերային: Ինչպես նշում են ռուսական լրատվամիջոցները «Մաթիլդայի» պրեմիերային ցուցադրությանը չէին եկել արտասահմանցի դերակատարները: «Նրանք վախեցել են գալ Ռուսաստան»,- նշում են մի շարք պարբերականներ:

Հիշեցնենք, որ «Մաթիլդա» ֆիլմում Ուչիտելը ներկայացնում է դեռ գահ չբարձացած ապագա Նիկոլայ 2-րդի և պարուհի Մաթիլդա Քշեսինսկայայի սիրավեպը, որը հավատացյալ ռուսաստանցիներից շատերը գնահատել են ոտնձգություն սրբադասված ցարի հիշատակի նկատմամբ և ամեն կերպ պայքարում են ֆիլմը վարձույթի շուկա չթողնելու համար:




Այս թեմայով այլ հղումներ-1
    Դիտվել է 287 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170