Քաղաքակրթական ներուժը կեցության բարձրագույն արժեք է:

Նոր թանգարանը առաջարկում է խորասուզվել Կազանովայի կյանքի մեջ

04.03.2018


Վենետիկում բացվել է կանանց սրտերի տիրակալ Ջակոմո Կազանովային ներկայացնող թանգարան: Նա ծնվել և կյանքի հիմնական մասը անցկացրել է հենց իտալական այս քաղաքում, որտեղ էլ թանգարանը մտահղացողները փորձում են խարխլել Կազանովայի մասին պատկերացումների կարծրատիպերը և ներկայացնել նրան որպես բազմակողմանի օժտվածություն ունեցող անհատի: Այդ մասին «tvkultura.ru»-ի տեղեկատվությունը փոխանցում է «taglur.am»-ը:

«Կազանովայի պատմությունը ներկայացնում է բազմազան թեմաներ արկածների, երաժշտության, սիրո մասին: Մենք պատրանքային թանգարան չենք ստեղծում, մենք այցելուին առաջարկում ենք խորասուզվել Կազանովայի կյանքի մեջ»,- նշել է այս թանգարանի մտահղացման հեղինակ Թոնի Մեյերը:

Գիտնական, գրող, լրտես, ավանտյուրիստ, փիլիսոփա, ճանապարհորդ:

Ջակոմո Կազանովայի կյանքի բոլոր կողմերի մասին հնարավոր է այժմ իմանալ 6 դահլիճներում ներկայացված թանգարանային նյութերից: Խոսելով այս նոր մշակութային հաստատության մասին, հիմնադիրները նշել են, որ «Սա պարզապես հիշատակման համար հավաքված իրերի հավաքածո չէ: Սա նաև յուրահատուկ փորձ է բարձր տեխնոլոգիաների ոլորտում»:

Թանգարանի մի առանձին հատված էլ հատկացված է համաշխարհային գրականության, նկարչության, կինոյի այն նմուշներին, որոնցում արտացոլվել է Կազանովայի կերպարը:





Լուսանկարն՝ ըստ հղման աղբյուրի:
    Դիտվել է 372 անգամ