Քաղաքակրթական ներուժը կեցության բարձրագույն արժեք է:

Ա. Էգոյան. «Ինքներդ ձեզ հաստատեցիք` որպես ավելի լավ և ազնիվ ուղու արժանի ժողովուրդ»

05.02.2018


Կանադահայ հայտնի ռեժիսոր Ատոմ Էգոյանն ուղերձ է հղել հայ ժողովրդին համաժողովրդական շարժման, մինչ այսօր իրականացրած քայլերի կապակցությամբ: Այդ մասին «noranor.ca»-ի տեղեկատվությունը փոխանցում է «taglur.am»-ը:

Ուղերձում մասնավորապես ասվում է. « Իմ քույրեր և եղբայրներ: Անկախ այսօրվա արդյունքներից, ես լի եմ ձեր ունեցած ձեռքբերումների համար հպարտությամբ: Դուք պատմություն եք կերտել, և աշխարհի հայացքը ձեզ է ուղղված»:

Էգոյանը նշում է, որ առջևում սպասվող ճանապարհը խոչընդոտներով լի է, բայց ինքն էլ բոլոր սփյուռքահայերի պես պատրաստ է սատարել հնարավոր բոլոր ձևերով:

«Հպարտացեք ձեր ձեռքբերումներով` ձեր իսկ խելամտության, ձեր սեփական ոգու նկատմամբ և մեր սիրելի Հայաստանում ավելի լավ կյանքի ձեր ցանկության հավատով և վստահությամբ: Դուք ինքներդ ձեզ հաստատեցիք` որպես ավելի լավ և ազնիվ ուղու արժանի ժողովուրդ: Մենք այստեղ ենք` պատրաստ այս ուղին ձեզ հետ անցնելու«,- ասել է Ատոմ Էգոյանը։

Նա նշել է, որ Երևանի Հանրապետության հրապարակում և ողջ երկրում ուղիղ հեռարձակմամբ խորհրդարանում հնչած պատասխանները ժողովրդավարության հաղթանակի դրսևորում էին:

«Ձեր միասնական ոգին այսօր արտահայտվեց և լսելի եղավ պետական մակարդակով: Դա արդեն մեծ առաջընթաց է»,- ընդգծել է կանադահայ ռեժիսորը և հիշեցրել Խալիլ Ջիբրաննի հետևյալ խոսքերը. «Վախը բնակվում է ձեր սրտերում և ոչ վախեցողների ձեռքում»։

«Նախորդ շաբաթներին ես տեսա այս վախի հաղթահարումը և մեր միասնական ոգու դրսևորման հսկայական առաջընթացը»,- վերջում ասել է Ատոմ Էգոյանը:
    Դիտվել է 84 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389>>հաջորդ