Քաղաքակրթական ներուժը կեցության բարձրագույն արժեք է:

Վախճանվել է Եվգենի Վախթանգովը

06.20.2018

Ռուսական լրատվամիջոցները տեղեկացնում են, որ նախօրեին, հունիսի 19-ին, 75 տարեկան հասակում մահացել է Ռուսաստանի գեղարվեստի ակադեմիայի անդամ, նկարիչ Եվգենի Վախթանգովը:

Եվգենի Սերգեյի Վախթանգովը Մոսկվայի հանրահայտ վախթանգովյան թատրոնի հիմնադրի թոռն է և ի պատիվ իր թատերական մեծ գործիչ պապի անվանակոչվել է նրա անունով:

Սակայն, ի տարբերություն իր հանճարեղ պապի, նա մասնագիտություն էր ընտրել ոչ թե թատրոնը, այլ՝ գեղարվեստը և մանկավարժությունը, թեև պետք է նշել, որ շատ սերտ կապեր էր պահպանում իր պապի անունը կրող թատրոնի հետ և նույնիսկ ձևավորել է ներկայացումներ::

Հիմնականում աշխատել է դիմանկարի, նատյուրմոտի, բնանկարի ժանրում: Նրա աշխատանքները ցուցադրվում են Մոսկվայի Տրետյակովյան պատկերասրահում, Ռուսական թանգարանում:

Եվգենի Վախթանգովի շատ ստեղծագործություններ տեղ են գտել նաև բազմաթիվ երկրների սիրողական հավաքածոներում:
    Դիտվել է 570 անգամ