Քաղաքակրթական ներուժը կեցության բարձրագույն արժեք է:

Բիստրոները և սրճարանները ոչ նյութական մշակութային արժեք

06.25.2018

Փարիզի ավանդական բիստրոները և սրճարանները կարող են ընդգրկվել UNESCO-ի ոչ նյութական մշակութային ժառանգության ցուցակում: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Այդպիսի հաստատությունների տերերը համախմբվել են հատուկ ասսոցիացիայի մեջ և հույս ունեն, որ իրենց հարցումը կքնարկվի առաջիկա երկու տարիների ընթացքում:

Բիստրոները և սրճարանները, որոնք տեղադրված են Ֆրանսիայի մայրաքաղաքի մայթերի երկայնքով, շատ զբոսաշրջիկների համար վերածվել են քաղաքի խորհրդանիշի: Սակայն վերջին ժամանակաշրջանում դրանց համար մրցակից են դարձել արագ սննդի հաստատությունները և ռեստորանները: Բիստրոների և սրճարանների սեփականատերերի ասսոցիացիան իր այս նախաձեռնության մեջ ստացել է նաև բազմաթիվ ֆրանսիացի արտիստների և այլ հայտնի մարդկանց օժանդակությունը: Այժմ ստեղծվում է համապատասխան փաստաթուղթ, որը հիմնավորում է բիստրոները և սրճարանները UNESCO-ի ոչ նյութական մշակութային ժառանգության ցուցակում ընդգրկելու առաջարկությունը: 2018թ.-ի դեկտեմբերին, արդեն, այդ փաստաթուղթը կներկայացվի Ֆրանսիայի մշակույթի նախարարությանը:

«Մեր հաստատությունները օգնում են խորասուզվել քաղաքի մթնոլորտի մեջ, ծանոթանալ տեղացիների հետ: Եվ եթե դրանք նշված լինեն զբոսաշրջային երթուղիների քարտեզներում, իսկ պատուհաններին փակցվեն «Ներառված է UNESCO-ի ոչ նյութական մշակութային ժառանգության ցուցակում», դա կօժանդակի մշակութային ավանդների պահպանության գործի բարձրացմանը»,- նշել է Փարիզում ձևավորված «Բիստրոները և սրճարանները UNESCO-ի ոչ նյութական մշակութային ժառանգության ցուցակում ընդգրկելու համար» ասսոցիացիայի նախագահ Ալեն Ֆոնթեյնը:





Լուսանկարն՝ ըստ հղման աղբյուրի:
    Դիտվել է 215 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187