Քաղաքակրթական ներուժը կեցության բարձրագույն արժեք է:

Պաշտոնական օրհներգ ունեցող առաջին թանգարանը

10.31.2018

Ռուսաստանի խոշորագույն մշակութային հաստատություններից մեկը՝ Պետական էրմիտաժը այսուհետ կունենա իր պաշտոնական օրհներգը: Այդ մասին պարզ է դարձել այն բանից հետո, երբ այս հատատության գլխավոր տնօրեն Միխայիլ Պիոտրովսկին նախօրեին՝ հոկտեմբերի 30-ին, համաձայնագիր է ստորսգրել պաշտոնական խորհրդանշանի վերածվելու համար ընտրված ստեղծագործության հեղինակ Ալեքսանդր Գորոդնիցկու հետ: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Օրհներգի համար ընտրվել է կոմպոզիտորի «Ատլանտներ» երգը:

Թանգարանի ներկայացուցիչները ասել են, որ իրենց ղեկավար Պիոտրովսկին սա համարել է պատմական իրադարձություն:

«Աշխարհում ոչ մի թանգարան իր մասին որևէ երգ չունի, առավել ևս օրհներգ»,- ասել է Էրմիտաժի գլխավոր տնօրենը:

Այսուհետ «Ատլանտներ» երգով կբացվի թանգարանում տեղի ունեցող յուրաքանչյուր արարողություն: Այն որպես Էրմիտաժի պաշտոնական օրհներգ առաջին անգամ կհնչի 2018թ.-ի դեկտեմբերի սկզբներին, երբ տեղի կունենան այս հաստատությանը նվիրված հերթական հանդիսությունները:

Գորոդնեցկին իր երգն սկսում է հետևյալ տողերով. « Երբ սրտումդ ծանրություն, իսկ կրծքիդ մեջ ցուրտ ես զգում, լուսաբացին դու Էրմիտաժի աստիճաններին մոտեցիր...»:Կոմպոզիտորը այս երգը ստեղծել է 55 տարի առաջ՝ 1963թ.-ին:

Ատլանտները, որոնց մասին խոսվում է երգում, մոխրագույն գրանիտե հսկայական քանդակներ են, որոնք այսօր զարդարում են 19-րդ դարում առաջին անգամ Ռուսաստանում հատուկ որպես գեղարվեստի թանգարան կառուցված Նոր Էրմիտաժի շենքի նախամուտքը:




Լուսանկարն՝ ըստ հղման աղբյուրի:

Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com

Տեսանյութեր

Դիտվել է 150 անգամ
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178