Քաղաքակրթական ներուժը կեցության բարձրագույն արժեք է:

Եվրամիությունում կգործեն մշակութային արժիքի մուտքի թույլտվության նոր կանոններ

04.12.2019


Եվրոպական միությունը ընդունել է մշակութային ժառանգության առարկաններն իր տարածք ներմուծելու նոր կանոններ, որոնք կոչված են կանխելու դրանց անօրինական առևտուրը: Այդ կանոնները նախատեսում են, ինչպես շատ այլ դեպքերում, նաև մուտքի լիցենզիա (թույլտվություն) ստանալ 250 տարվանից ավելի հին մշակութային արժեքները ներկրելու պարագայում: Այդ մասին տեղեկացնում է «taglur.am»-ը՝ հղում անելով «theartnewspaper.ru»-ին:

Եվրամիության ներկայացուցիչները հայտարարում են, որ այս միջոցները թույլ կտան «արդյունավետ պաշտպանվել մշակութային արժեքների անօրինական առևտրից և կանխել դրանց կորուստը և ոչնչացումը», միաժամանակ կօգնեն կանխելու «ահաբեկչական կազմակերպությունների ֆինանսավորումը և փողերի լվացումը անօրինական ճանապարհով ձեռք բերված մշակութային արժեքները Եվրամիության գնորդներին վաճառելու ճանապարհով»:

Նոր կանոնները վերաբերում են միայն այն իրերին, որոնք բերվում են Եվրամիության կազմի մեջ չմտնող երկրներից:

Մշակութային արժիքի պարագայում մուտքի թույլտվություն ստանալու համար անհրաժեշտ է ներկայացնել փաստաթղթեր, որոնք ապացուցում են, որ ծագման երկրից համապատասխան առարկաները դուրս են բերվել օրինական ճանապարհով:

Եվրամիության տարածք բերված մշակութային արժեքների մասին տեղեկատվությունը կպահպանվի տվյալների կենտրոնական էլեկտրոնային բազայում, որը մատչելի կլինի Եվրամիության անդամ բոլոր երկրների իշխանության մարմիններին:

Գերմանիայի մշակույթի նախարար Մոնիկա Գրյութերսը հայտարարել է, որ նոր կանոնները ուժի մեջ կմտնեն 2020թ.-ի աշնանը:
Սակայն, հին արվեստի առևտրով զբաղվող միջնորդների միջազգային ասսոցիացիայի նախագահ Վինսենթ Գերլինգը կարծում է, որ «նոր կանոնները պարունակում են մի շարք վիճելի պահեր, որոնք ուժեղ կազդեն արթ-շուկայի և կոլլեկցիոներների վրա, եթե դրանք ընդունվեն:

Մինչ այս պահը Եվեամիության երկրներում չի եղել մշակութային ժառանգությունը ընդունելու ընդհանուր օրենսդրություն: Այս ոլորտում առևտրի գոյություն ունեցող եվրոպական օրենքները վերաբերում են միայն արտահանմանը և Եվրամիությունից անօրինականորեն դուրս հանված առարկանների վերադարձմանը:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 154 անգամ