Քաղաքակրթական ներուժը կեցության բարձրագույն արժեք է:

Ենթարկելով հալած արճճի կաթիլներից վնասվելու վտանգին

04.18.2019


Ֆրանսիայի մշակույթի նախարար Ֆրանկ Ռիեստերը հայտարարել է, որ Փարիզի Աստվածամոր տաճարի հրդեհից փրկված առավել արժեքավոր իրերի որոշ մասը կտեղափոխվի Լուվր: Ավելի վաղ դրանք տարված են եղել Փարիզի քաղաքապետարան: Այդ մասին տեղեկացնում է «taglur.am»-ը՝ հղում անելով «theartnewspaper.ru»-ին:

Հրդեհի ժամանակ իրենց ենթարկելով հալած արճճի կաթիլներից վնասվելու վտանգին, հրշեջները կենդանի շղթա կազմած միմյանց փոխանցելով փրկել են միջնադարյան արժեքները, որոնց մեջ են եղել նաև Քրիստոսի փշե պսակը և Սուրբ Լյուդովիկոսի թիկնոցը (13-րդ դար):

«Այդ գանձերը փրկվել են շնորհիվ փարիզցի հրշեջների, որոնք համագործակցում էին Մշակույթի նախարարության և քաղաքային իշխանությունների հետ»,- նշել է նախարարը:

Լուվրի ներկայացուցիչը հայտնել է, որ դեռ հնարավոր չէ ասել, թե հատկապես ինչպիսի արժեքներ կփոխանցվեն այս թանգարանում ժամանակավորապես պահելու համար և արդյոք իրենց մասնագետները կմասնակցեն նման իրերի վերականգնման աշխատանքներին, սակայն հաստատել է, որ իրավասու մարմինների հետ համագործակցում են արժեքների անվտանգությունը ապահովելու գործում:

«Այս հրդեհը աղետ է ողջ մարդկության համաշխարհային ժառանգության համար, մեր քաղաքի համար, բոլորիս համար: Լուվրը իր համերաշխությունն ու օժանդակությունն է հայտնում բոլոր նրանց, որոնք մասնակցում են այս աշխատանքներին»,- նշել է ֆրանսիական գլխավոր թանգարաններից մեկի ներկայացուցիչը:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 126 անգամ
    1234567891011121314151617181920212223242526272829303132333435363738394041424344454647484950515253545556575859606162636465666768