Քաղաքակրթական ներուժը կեցության բարձրագույն արժեք է:

Թանգարան՝ նվիրված սփյուռքում ստեղծված մշակույթին

05.31.2019

Մոսկվայում, Սոլժենիցինի անվան Ռուսական արտասահմանի տանը բացվել է մշտական գործող ցուցադրանք՝ նվիրված ռուսական էմիգրացիային և արտասահմանում իրենց մշակութային ժառանգությունը թողած ռուսաստանցիներին: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Թանգարանային տարածությունը տեղավորված է նորակառույց քառահարկ Ռուսական արտասահմանի տան երկու հարկերում, որոնցից յուրաքանչյուրը նվիրված է մեկ թեմատիկ ուղղության՝ 1. «Տարագրության մեջ: Ռուսական էմիգրացիայի առաջին ալիք» և 2. «Հաղորդագրություն. ռուսական էմիգրացիան աշխարհին»:

Այս երկու ուղղությունները կազմված են բաժիններից, որոնցում ներկայացված են 1200 իսկական ցուցանմուշ, որոնք «առաջին ալիքի» ռուսաստանցի էմիգրանտների նվիրաբերումներն են այս թանգարանին:

Թանգարանի պաշտոնական կայքը տեղեկացնում է, որ այս թեմատիկ ցուցադրությունը Ռուսաստանում առաջին թանգարանային նախագիծն է՝ նվիրված էմիգրանտներին և արտասահմանում նրանց ստեղծած մշակույթին:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 136 անգամ