Քաղաքակրթական ներուժը կեցության բարձրագույն արժեք է:

Հնագույն արժեքների զգալի մասը չի ցուցադրվում և գտնվում է պահոցներում

06.17.2019

Եգիպտոսը և Եվրամիությունը համատեղ նախաձեռնել են Կահիրեի կենտրոնում գտնվող Եգիպտոսի ազգային թանգարանի մոդեռնիզացման աշխատանքները: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Այս տարի իր գործունեության 117-ամյակը նշող մշակութային հաստատությունը նորագույն ժամանակների ոգով կվերափոխվի 3 տարվա ընթացքում: Եվրամիությունը այդ նպատակի համար հատկացրել է 3,1 մլն եվրոյի դրամաշնորհ:

Այս նախագիծը կյանքի է կոչվել եվրոպական այն հինգ թանգարանների համագործակցության նախաձեռնությամբ, որոնք այսօր տնօրինում են եգիպտական մշակույթը ներկայացնող խոշոր հավաքածոների: Այդ հաստատություններն են՝ Բրիտանական, Բեռլինի եգիպտական, Թուրինի եգիպտական և Լեյդենի հնությունների ազգային թանգարաները և Լուվրը:

Թանգարանի մի քանի դահլիճներում կիրականացվի համալիր վերակառուցում: Առաջին հերթին աշխատանքներ կիրականացվեն կենտրոնական ցուցասրահում, որտեղ ցուցադրվում են մինչդինաստիական և վաղ դինաստիական ժամանակաշրջանների ցուցանմուշները, Հին և Ուշ թագավորությունների, ինչպես նաև հունական-հռոմեական ժամանակաշրջանների արժեքավոր առարկաները: Խոսքը ոչ միայն ցուցասրահի տեխնիկական նորացման, այլև այստեղ նախատաեսվող գիտական, արխիվային և տեղեկատվական աշխատանքների մասին է:

Եգիպտոսի ազգային թանգարանը հիմնադրվել է 1902թ.-ին՝ Կահիրեի Թահրիր հրապարակի հարևանությամբ: Ամբողջ այս ժամանակաշրջանում այն եղել է հին եգիպտական մշակութային և պատմական արժեքների գլխավոր պահոցը: Այսօր այս հաստատությունում կա 160 հազար ցուցանմուշ, որոնց զգալի մասը չի ցուցադրվում և գտնվում է պահոցներում: Հին շենքը պարզապես ի վիճակի չէ ամեն ինչ տեղավորել իր մեջ և սպասում է երկրորդ բացմանը:




    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 206 անգամ