Քաղաքակրթական ներուժը կեցության բարձրագույն արժեք է:

Արտիստուհուն շնորհավորել է երկրի նախագահը

03.31.2014

Ռուսաստանցի երգչուհի, ազգությամբ լատիշուհի, Լայմա Վայկուլեն նշում է հոբելյանական տարեդարձ: Նրան այսօր շնորհավորում են բոլորը՝ հարազատները, բարեկամները, երկրպագուները: Երգչուհուն շնորհավորել է նաև Ռուսաստանի նախագայ Վլադիմիր Պուտինը: Այդ մասին հաղորդում է «vesti.ru»-ն:

«Տաղանդը, ստեղծագործական հսկայական ներուժը և սեփական երազանքի նկատմամբ հավատը օգնել են Ձեզ ձեռք բերել վաստակած հաջողություն, դառնալ էստրադայի իսկական աստղ: Դուք ամենամասսայական և պահանջարկված արտիստուհիներից եք, բոլոր համերգային բեմահարթակների համար ցանկալի հյուր՝ և Ռուսաստանում, և Լատվիայում, և մյուս երկրներում: Եվ որտեղ էլ Դուք ելույթ եք ունեցել, Ձեզ ուղեկցել են հաջողությունը և հանդիսատեսի ծափերը»,- գրված է ՌԴ նախագահի հեռագրում:

Լայմա Վայկուլեն ծնվել է 1954թ.-ի մարտի 31-ին Լատվիայի Ցեսիս քաղաքում: 1979թ.-ից նա աշխատում էր Լատվիայում հայտնի Յուրմալայի «Յուրաս Պերլե» վարիետեյում: 1984 թ.-ին ավարտում է Ռուսական թատերական արվեստի համալսարանը (ГИТИС): Հենց այդ նույն տարում նա սկսում է համագործակցել հայտնի բանաստեղծ, երգերի տեքստերի հեղինակ Իլյա Ռեզնիկի հետ: 1987 թ.-ին Վայկուլեն Չեխոսլովակիայի «Ոսկե լիրա» երգի մրցույթում «Վերնիսաժ» երգի կատարմամբ ճանաչվում է հաղթող: Մինչև այժմ նա թողարկել է 10 երաժշտական ալբոմ, որոնք բոլորն էլ համարվում են հաջողված նախագծեր: Ընդհանուր առմամբ նրա կատարմամբ թողարկվել է 20 մլն ձայնասկավառակ, որոնք վաճառվել են Ռուսաստանում, ԱՄՆ-ում և Եվրոպայում:
    Դիտվել է 495 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389>>հաջորդ