Քաղաքակրթական ներուժը կեցության բարձրագույն արժեք է:

Մահացել է պատանեկան տարիներին «SS»-ին անդամագրված Նոբելյան մրցանակակիրը

Կյանքի 87-րդ տարում Լյուբեկ քաղաքում վախճանվել է գերմանացի նշանավոր գրող Գյունտեր Գրասսը:

Նա ծնվել է Գդանսկ քաղաքում, դարձել է Երկրորդ համաշխարհային պատերազմի ականատես, «ճաշակել» է օտար երկրներում տարագրվածի դառնությունները:

Գրականության մեջ իր նորամուտը Գրասսը կատարել է գերմանալեզու գրողների «Խումբ 47» միավորումում, որի գլխավոր խնդիրներից մեկը եղել է նացիոնալ-սոցիալիզմի փորձի իմաստավորումը: Գյունտեր Գրասի գրչին պատկանող առավել հայտնի գործը «Թիթեղյա թմբուկ» վեպն է, որը էկրանավորվել է գերմանացի կինոռեժիսոր Ֆոլկեր Շլենդորֆի կողմից և արժանացել «Օսկար» մրցանակի:

Պատերազմին հաջորդած ողջ ժամանակահատվածում գրողը պարբերաբար հրատարակել է գրքեր, որոնք հիմնականում անդրադարձել են Հոլոքոստի հանդեպ գերմանացիների անհատական և կոլեկտիվ պատասխանատվության խնդիրներին, տարագրության թեմաներին:

Ընդհանուր առմամբ, Գրասսը 15 վեպի և պատմվածքների ժողովածուների հեղինակ է: Նա, որպես ինքնահաստատված արվեստագետ, հեղինակել է նաև նկարչական և քանդակագործական աշխատանքներ:

Գյունտեր Գրասսին հաճախ անվանում էին «ազգի խիղճ»: 1999 թ.-ին նա դարձավ գրականության ոլորտում Նոբելյան մրցանակակիր:

Նշենք, որ դրանից հետո նրա բարի համբավի վրա ստվեր գցեց 2006թ.-ին կատարած խոստովանությունն այն մասին, որ պատանեկան տարիներին կամավորագրվել է նացիստական «SS»-ի շարքերին:
    Դիտվել է 238 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388>>հաջորդ