Քաղաքակրթական ներուժը կեցության բարձրագույն արժեք է:

Հիշել են այն ռեժիսորին, ում ֆիլմերը գրեթե անբաժանելի են ամանորից

01.09.2016


Նախօրեին Թբիլիսիի Ա. Գրիբոեդովի անվան ռուսական դրամատիկական ակադեմիական թատրոնում կայացել է ռուս ռեժիսոր Էլդար Ռյազանովի հիշատակին նվիրված երեկո, որին մասնակցել են Վրաստանի արվեստի վաստակավոր գործիչներ, Ռյազանովի վրաստանցի բարեկամներ, գործընկերներ: Այդ մասին «ՏԱՍՍ»-ի տեղեկատվությունը փոխանցում է «taglur.am»-ը:

Խոսելով 2015-ի նոյեմբերի 30-ին վախճանված իր գործընկերոջ մասին, ԽՍՀՄ ժողովրդական արտիստ, կինոռեժիսոր Էլդար Շենգելայան նշել է, որ «այնպիսի արվեստագետները, ինչպիսին Էլդար Ռյազանովն էր, ապրում են հավերժ»: Շենգելայան ընդգծել է, որ 2015թ.-ի նոյեմբերին կյանքից հեռացած իր ռուս բարեկամը « համաշխարհային մասշտաբի ռեժիսոր էր: Նա անգնահատելի ավանդ է դրել համաշխարհային կինոյի զարգացման գանձարանում: Նա կինոյում ստեղծել է մի ողջ ժամանակաշրջան: Նրա արվեստը մշտապես տեղ է գրավել կինոյի պատմության մեջ»:

Ռուս արվեստագետի մասին ջերմ խոսքերով հանդես են եկել նաև վրացական մշակույթի այլ ներկայացուցիչներ:

Երեկոյի ընթացքում ցուցադրվել է Ռյազանովի վերջին ֆիլմերից մեկը՝ «Ննջարանի բանալին», որտեղ հանդես են գալիս ռուսական կինոյի վարպետներ Սերգեյ Մակավեցկին, Սերգեյ Բեզռուկովը, Նիկոլայ Ֆոմենկոն և այլք:
    Դիտվել է 649 անգամ